黃翠如 洪永城出街對足一日 各撇甩另一半傾到唔想走！

撰文：東方新地｜圖片：東方新地

黃翠如 洪永城高層愛將

同樣來自有線娛樂新聞台的黃翠如、洪永城、梁嘉琪及區永 權，先後過檔無綫，黃翠如與洪永城一起主持過《走過浮華大地 》系列及《走過足球聖地》，之後又合演劇集《愛我請留言》 和《我瞞結婚了》，他們每次合作都不避嫌地做鬥氣冤家，甚至打情罵俏，一度被塑造為「熒幕情侶」，不過現實生活中卻不過電，翠如去年已嫁蕭正楠，洪永城與唐詩詠分手後，現在有個長跑好手模特兒女友梁諾妍，愛情事業兩得意的黃翠如與洪永城，已坐穩女一、男一之位。

出街對足一日

至於區永權與梁嘉琪亦唔弱，轉投無綫後被力捧成當紅司儀與主持，亦會參與拍劇。最難得是這班 「 有線黨 」非常有情，會定期相約食飯聯誼，據知情者透露:「無論佢哋工作幾忙，都會定時定候約出嚟食飯，每次食親飯都笑到噴飯，因為佢哋識於微時，大家都唔會扮嘢，一見面就好似去番以前喺有線年代咁，個個變番大細路。」

飯前去攀石

日前洪永城與黃翠如先到室內攀石場玩攀石，更在 IG 貼出 攀石照，挑戰不同難度，洪永城自言玩到「 腎上腺素狂飆 」，他 形容手長腳長的黃翠如似「 蜘蛛女 」，讚她身手不凡。

傾到唔想走

到晚上他們再跟梁嘉琪與區永權到九龍城一間火鍋店開餐，打邊爐期間洪永城講唔停大放笑彈，飯後由於枱面太混亂，眾人要平排影合照遮住張枱，離開火鍋店時，四人更在門外難捨難離繼續吹水。

離開火鍋店， 眾人繼續企門口傾到唔願走，洪 永城手舞足蹈最肉緊。從代客泊車取回車匙，洪永城急急腳走到黃翠如架車尾 箱開門，拎完包紙巾又摷雜物，不停搞搞震，最後要黃 翠如出手阻止佢先肯收手。

其實四人都是無綫旗下藝人，照計返工都時有撞到，不過傾開就停唔到口，區永權與洪永城玩笑完一輪，四人都係要圍埋傾多陣，睇得出真係好好感情。

唔使陪女友的洪永城，與黃翠如對足一日，真係唔驚女友呷醋?不過，人生有個真正朋友的確好極，更難得是他們都在圈中搵到知心友。