四姊妹來自中醫世家！黃心穎皮膚靚 全靠醫師爸爸…
睇番港姐出身的黃心穎，樣甜身材正就係人都知，佢三位家姐一樣索爆，原來全靠做中醫嘅爸爸黃沛霖，幫四千金調理身子同皮膚，而心穎早前就大談對爸爸嘅睇法，完全睇得出佢哋一家人超好感情…
撰文：東方新地 圖片：新傳媒圖片、黃心穎IG
黃心穎四姊妹來自中醫世家
港姐出身的黃心穎，入行6年，旋即成為二線花旦，除咗主持工作，又先後主演過多套劇集《點金勝手》、《再戰明天》、《師奶madam》、《華麗轉身》、《以和為貴》、《東坡家事》等等，產量揮低同屆港姐冠軍張名雅及季軍朱千雪！
黃家四姊妹來自中醫世家，父親黃沛霖在港行醫多年，四千金可謂生活無憂，95年更舉家移民加拿大，心穎家中排行第四是孻女，所謂孻女拉心肝，所以她集萬千寵愛在一身，近年先陸續回流返港，四位姊妹同父母從小到大感情就非常親密，更會不時相約飯局，更不時在instagram上大晒温馨合照。
家中也是被叫BB
心穎是家中孻女，自小受盡家人的寵愛，原來在家中她也是被叫BB，她在IG大曬四朵金花合照：「由細到大佢地都叫我小B （家人專屬，你地就唔好叫我小B喇），所以this is the perfect gift, love the card n cake too! thanks sis。」
相中四姊妹笑得特別燦爛，不難發現她們4個根本就是「餅印」一樣，笑容相似，鼻形相似，不少網民更留言大讚「一屋美女」。
心穎入行後工作忙碌，早年生日也工作度過，隔天終於有機會與家人補祝，她更上載與家人的大合照，十分溫馨。
心穎拎住個生日蛋糕牌都係寫上BB㗎！
皮膚好 全靠爸爸的愛心湯水
心穎說過爸爸是他的私人皮膚護理顧問，滑滑肌膚除了做facial，就是靠爸爸的愛心湯水同藥饍，為她治理皮膚敏感、痕癢或水腫等。
心穎爸爸港行醫賺錢給妻女過最好的生活
黃家四姊妹從小跟隨母親移民溫哥華，爸爸一人留在香港行醫，努力賺錢給家人過最好的生活，直至多年後才回加拿大！心穎說覺得爸爸好偉大，一個男人擔起頭家養四個女同老婆，佢仲笑言一屋女人唔係特別慳家，爸爸只係每年過嚟一、兩次探我哋，所以成長時期有十幾年冇同爸爸一齊住和相處。
雖然成長中爸爸不常在身邊，但在心穎眼中，爸爸是民間的超級英雄，行醫多年成功為不少病人醫好病痛，幫助好多人，而不少病人都跟爸爸變成好朋友！
心穎加國炒車昏迷 爸爸驚到唔敢去醫院
心穎又透露，18歲時她身在加國發生交通意外昏迷，當送到急症搶救時，家人急急致電黃父趕到醫院，但直至心穎昏迷數小時醒來後，但不見父親蹤影，原來黃爸爸收到消息後驚到手都震晒，驚囡囡有咩事接受唔到，一直未敢去醫院，後來得知囡囡醒番第一時間去醫院，所以心穎覺得爸爸真係好錫佢！
補償失去見面時間
為補償成長期與父親的相處時間，心穎現時一有空便陪伴父親，即使僅得幾小時也照殺，心穎除了會相約父親及家人食飯慶祝，今年父親節原來買咗一部新電視機給父親作為禮物，她說爸爸平時好節儉，仲話爸爸平時好鍾意睇佢啲劇同節目，剛好電視壞了就買部新嘅送畀爸爸！
心穎嘅大家姐黃心美(Scarlette)是為人熟識的NOW TV主持人，雖然結過婚又離過婚，不過憑著甜美可人的樣子和索爆身材，係好多網民心目中嘅女神。
二家姐黃心妙(Shelby)2009年嫁澳門商人，並育有三名子女，Shelby婚後長居澳門專心相夫教子，但佢不時毫不吝嗇上載自家靚相騷身材。
而三家姐黃心慧(Shirely)樣子甜美，笑起來有典型腰果眼，身為空姐嘅佢經常有機會出埠，周遊列國，見識廣闊，絕不比妹妹遜色。昨日佢同拍拖多年的男友結婚，正式成為人妻！
黃心穎曾說：「四姊妹會吵會鬧，又會互訴心事，排行最細的黃心穎幸福盡在不言中。」
延伸閱讀：
黃心穎送家姐出嫁！馬明回應婚期…
昨日係心穎嘅三家姐黃心慧結婚嘅大喜日子，心穎親身飛去澳洲做姊妹兼送家姐出嫁，而男友馬國明都有出席婚禮，少不免被追問婚期，馬明都有回應！
黃心穎前日喺ig留言﹕「我親愛的三家姐明天要出嫁喇。。。莫名其妙有d緊張。」
大家姐心美昨日亦喺ig story貼上四姊妹加埋媽咪嘅合照，心美話﹕「噚晚我細妹上頭，我啲眼淚不自覺係咁流。」
早上接新娘儀式，見大家姐黃心美穿上吊帶裙拎住兩封「黃」家利是，寫道﹕「我已經準備好細妹同妹夫斟茶俾我喇」
佢哋仲預備咗wasabi當牙膏，畀新郎哥同兄弟刷牙同飲烈酒。
一對新人揀喺戶外證婚，幸而天公造美當地今日好好天氣，藍天白雲加大草地，心慧都好開心！
IG片捕足到心穎嘅姊妹look，係粉紅色露肩裙，佢一直跟住家姐後面幫佢整理婚紗拖尾！
馬國明 居然咁回應婚期…
黃家就剩番心穎未婚，有傳媒問男友馬國明幾時娶心穎？佢以短訊表示﹕「未有耐…」仲加上5個笑到喊嘅emoji。咪遊花園啦！大家都等你好消息㗎！
四姊妹都咁靚，佢哋各自高舉一、二、三、四嘅手勢，代表自己嘅排行，心穎仲超低胸出席晚宴！
晚上一對新人仲喺戶外空地放煙火，拍片嘅心穎咿嘩大叫好high，仲興奮過一對新人！
一對新人安排咗live band，二人仲大唱情歌，係安仔嘅《唯獨你是不可取替》！心穎留言話live band好正，睇嚟佢好鍾意西式婚禮，馬明識做啦！
臨結婚前，四姊妹在澳洲遊玩，仲暢飲一番，幾開心幾豪邁！
心穎雖然做姊妹穿低胸裙，但都玩得好開心，有片睇：
