馬國明孖宣萱出席活動 期間被拍檔借機催婚
廣告
撰文：東方新地｜圖片：新傳媒圖片庫
馬國明同宣萱齊齊做代言人
昨日，馬國明與宣萱孖住出席美容院活動，而喺台上嘅宣萱就表示不清楚馬國明的BB是黃心穎，仲話以為心穎早已改姓馬，搞到同場天然呆開嘅馬明唔識點招架，場面搞笑。
馬明認為做代言人可以有錢又可以護膚，完全一舉兩得，仲話：「出社會工作會認識好多人，所以唔可以唔理自己個外表，男仔唔靚仔唔緊要，但行出嚟感覺一定要感覺係健康。」
馬國明大讚宣萱
另外，馬明亦表示見到宣萱會覺得緊張，因為對方太靚，又形容黃心穎同宣萱雖同屬美女，但就係唔同年代嘅美。
宣萱幫心穎催婚
活動後，二人就接受傳媒訪問，而口齒伶俐嘅宣萱就乘機幫心穎BB撥行結婚大葵扇，不停追問二人拍拖幾耐，催馬明趁住仲後生快啲生B，因為咁先有精力同小朋友玩。馬明，聽到未呀～
