陳茵媺慶祝二人結婚周年甜蜜放閃哂幸福婚照

陳茵媺放閃哂甜蜜幸福婚照

陳豪與陳茵媺話咁快就已結婚5年，近日，陳茵媺於個人社交網上載當年她與老公陳豪在法國巴黎影的結婚相，以慶祝結婚周年紀念日。相片以黑白為主調，非常有特色之餘，還見二人穿起禮服及婚紗，甜蜜拖手，並慢步於街道上，十分溫馨。

陳茵媺更甜蜜留言：「結婚周年快樂寶貝！巴黎永遠都是我最愛的地方，你亦是我最愛捉緊的手。」，不少網友見二人由拍拖至結婚有小朋友，都不禁羨慕二人的夫妻之情，真係睇到都覺得甜到漏！

日前，陳茵媺出席電影謝票活動時表示，早前與老公陳豪二人世界觀賞該戲後，被老公讚賞是次演出，但她本人卻認為自己可以演得更好。

陳茵媺指將來若再接拍電影，皆會以劇本為先，但拒跟老公演戲，因怕像真人秀。而且，她還拒看老公演親吻戲，因為始終會覺得不舒服，但會尊重他的演員職業，相當體貼兼體諒對方！

陳茵媺有份拍攝電影《某日某月》因被角色「魯老師」追求浪漫的堅持所打動，而決定接拍電影，她表示：「我向來都有戲癮，只要夾到時間湊小朋友，我一定會接，為了《某日某月》，我特意改早機票回港開工。」

同時，陳茵媺指接拍電影亦獲得老公陳豪支持。

由於「魯老師」在電影中堅決守護一段異地戀，當被問及有冇類似經驗，她說：「老公好似唔應該聽呢啲…不過我都試過嘅，可以體會到另一半唔喺自己身邊嗰種失落同無助，當時我自己隻身來港追尋夢想，每晚拍完戲，返到屋企要一個人獨對四面牆，冇一個可靠嘅人喺身邊。」

至於如何排解寂寞，陳茵媺似乎已有一套獨門秘方：「就係一個字『忙』，我會塞爆自己啲時間，TVB已經好充實。放工後又約朋友，總之返到屋企就瞓，無謂畀自己胡思亂想。」

上個月母親節，陳茵媺就趁住好天氣，帶住三個小朋友去沙灘玩，大哥梓燁與二哥浩鋒精力充沛，而孻女凱婷更與媽咪嘴對嘴錫錫，相信大家都已經甜到入心，認真sweet到爆呀！

之後囝囝更突然將成桶水倒落陳茵媺頭上，做媽咪嘅就緊係冇嬲，而且仲笑晒口，真係玩得開心～

關鍵詞