陳茵媺面型變「J」、曬泳衣照上圍離奇縮水！網民：大波星人去咗邊？
撰文：東方新地｜ 圖片：新傳媒圖片、陳茵媺Instagram
賀年Selfie修圖出事？面型變月亮人！
陳茵媺（Aimee）年初九張貼前往拜年的Selfie，並留言「Happiness is found within yourself. 💞」武漢購炎疫情下留言好正面，不過就有網民發現相中的陳茵媺下巴嚴重扭曲：
不過之後張貼與三個仔女的合照，下巴又無咁嚴重出事，似乎係修圖過度造型的錯覺？
陳茵媺 一家五口去旅行
去年4月1日係陳茵媺38歲生日，陳豪於是就帶埋3位小朋友，陪老婆出埠慶祝生日。繼陳茵媺日前曾分享大仔幫佢影嘅兩張相，今日就大晒同老公陳豪嘅合照同泳衣照，見陳茵媺身材超好，絕對唔似已經生咗3個小朋友！
囡囡扮公主超似陳茵媺
陳茵媺係選美出身，喺2006年獲得香港小姐冠軍及國際親善小姐，繼而入行。唔少網民睇咗張一件頭泳衣照後，大讚茵媺好slim，點睇都唔似生過三個小朋友，紛紛問佢修身方法！但同時，都有網民問佢點解上圍縮晒水，話「大波星人」去咗邊？睇番佢選美時嘅相，當時嘅上圍又真係相當澎湃喎！
當年選港姐陳茵媺係大熱門之一，而佢嘅上圍也成為焦點，因為形狀唔多自然而被封擁有一對「岩石胸」！
大波星人由來
陳茵媺至成為港姐冠軍之後，首次參演劇集《同事三分親》，當時飾演一個名叫「戴銀來」的富家女角色。在劇中她使用其父戴金（羅樂林飾）的名稱，自稱為「戴金星人」。
大波星人
由於網民對其身材留下深刻印象，故戲稱之為「大波星人」。而此綽號未有因《同事三分親》播映完畢而消失，一直被使用至今。
即時回顧：
陳茵媺細女戴后冠神還原媽咪當年 盡得媽咪真傳！
今日，陳茵媺喺IG上載一張當年得獎頭戴后冠同手執權仗嘅相，再拼上一張囡囡打扮相若嘅相，並以英文留言表示：「買咗套Elsa皇冠套裝俾佢之後（我終於屈服），影咗右邊張相，因為佢相當可愛，所以我將張相傳俾我好朋友……然後我好朋友整咗呢幅拼貼相，大家看看佢傳咩俾我！感謝親愛嘅朱凱婷為我帶來一個美好嘅早晨！」
相中可見，依家兩歲大嘅Camilla盡得媽咪陳茵媺真傳，成個樣同媽咪當年選到冠軍一樣咁，唔知大個咗會唔會有興趣參選香港小姐呢？
唔少網民都話Camilla好似媽咪，仲笑言下次可以俾陳茵媺個真正后冠囡囡戴，咁就更加神還原！
陳茵媺 走兔肉
Aimee就同老公去咗間特別出名餐廳，食著明嘅西班牙海鮮飯「Paella」，而地道嘅Paella係有雞肉、兔肉同長扁豆嘅傳統口味，不過Aimee就講明海鮮飯走兔肉，但冇講點解會走兔肉喇！
佢又話呢間餐廳連索非亞女王都常去，認真有名！
陳茵媺 行207級樓梯突恐懼症發作
佢哋又去咗華倫西亞著名景點大教堂(Cathedral)。大教堂樓高50.85米，如果要行到上塔頂睇靚景嘅話就一定要行二百幾級樓梯，不過上塔頂一啲都唔容易！陳茵媺喺社交平台留言，指樓梯相當狹窄，當佢哋上樓梯時亦有其他人落樓梯，而且其中一邊冇扶手，所以要同老公互相幫助取得平衡，先可以繼續行上去。
靠陳豪克服困難
不過，最令陳茵媺驚嘅並唔係條樓梯，而係佢上緊塔頂個時突然幽閉恐懼症，以及恐慌症發作，但好在全程有老公陪伴，陳豪仲唔介意係鏡頭面前扮放屁嚟紓緩老婆嘅心情，令茵媺即刻笑返，仲嚇返對方話「如果我Post呢段片上去你就死」，真係好sweet呀！。
雖然登頂嘅時候發生小插曲，但結果茵媺都可以克服困難成功登頂，佢仲話能夠欣賞咁靚嘅景色，絕對值得。
陳豪扮放屁氹陳茵媺
陳茵媺 捱夜整年度家庭相簿
陳茵媺和陳豪經常為仔女安排不同的活動，一家五口亦不時拍下家庭生活照，以紀錄小朋友的成長片段。近日，陳茵媺就在網上分享，自己為過去一年的家庭生活照製作成一本「年度相簿」，她指出相簿共有180頁，內頁貼有的逾2000張照片是經過她精心挑選出來，十分有心思！
陳茵媺表示，因為整本相簿都是她設計出來，雖然捱了很多個晚上，但非常值得，因為現時她不用密碼就可以隨時隨地翻看她的四位寶貝，欣賞過去一年的開心回憶照片。現在製成品出爐，當然要好好欣賞啦！陳茵媺亦上載了老公陳豪陪仔女們一起欣賞相簿的相片，場面十分溫馨，不少網民更大讚陳茵媺有心思！
陳茵媺其後亦貼出和老公陳豪在蘇梅島的合照，透露現時第三本相簿已經製作中。茵媺選址蘇梅島，是因為她和老公約會時去過當地，後來每個仔女的「Babymoon」同樣是去蘇梅島，所以這裡對她來說是個特別的地方。
強勁媽媽 一湊三出國玩足成個月
去年暑假，陳茵媺一個人帶3個仔女返加拿大娘家過暑假，玩咗成個月，終於都返香港喇！陳豪成個月冇見過老婆仔女，一去到機場接機，就連環輪住個個錫留啖！去加拿大成個月有咩玩？原來主要都係親親大自然啦！平時見Aimee兩公婆湊住3個小朋友一齊出街，都要帶好多裝備，今次Amiee一個人湊住啲仔女，飛到去加拿大咁遠，到底搞唔搞得掂？加拿大勝在地方大，一家四口上哂車，已經可以免卻好多煩惱啦！
落雨一樣冇有怕！ 仲要着哂花花雨褸，襯到絕咁喺雨中散步！
好多家長見到水氹都會叫小朋友避開，Aimee見兩個仔玩得咁高興，仲幫佢哋數埋123添！
落雨濕濕，哥哥拖住妹妹一齊行！幾咁溫馨！
妹妹件花花雨褸都好搶眼呀！同對水鞋襯埋一Set！
到好天！佢哋就一齊去有機農莊玩！
原來係想摘啲新鮮蔬菜返去做晚餐呀！
兩個仔仲要着埋兄弟裝添！駛唔駛咁cute呀！
又好天，啲仔女又玩得開心，媽咪梗係開心啦！唔知會唔會開心到唔記得咗嗲地呢？
溫馨家庭 大仔甜蜜說：媽媽謝謝你生下我
Aimee在IG貼出慶祝大仔5歲生日嘅全家福，大仔Aiden和妹妹Camilla分別扮成黑武士及莉亞公主，非常可愛！Aimee留言：「當Aiden今天早上醒來時，他說的第一件事就是：『早晨媽咪！謝謝你生下我。』親愛的，你是上帝給我的最好禮物中的第一個，我簡直不敢相信我有這麼一個了不起兼成熟甜美的男孩。你是媽媽的一切，讓所有不眠之夜和所有的犧牲都值得！5歲生日快樂我的小Jedi！我愛你無論月球轉到那一面⋯⋯再循環100次！ 」真係sweet到爆！
結婚週年高調放閃 陳豪陳茵媺坐直昇機去食晚餐
早前，陳豪和陳茵媺的結婚5週年，兩夫婦又點會放過呢個難得的放閃機會。日前，Aimee於社交網發佈2張巴黎結婚相，佢留言話「Happy anniversary baby! @moses_chan_ Paris will always be my favourite place and your hand will always be my favourite to hold.」Aimee對老公講出「一生只牽一個人」的愛的宣言，好sweet！陳豪一定好冧！
陳豪陳茵媺坐直昇機去食晚餐 拍片高調放閃
昨日，Aimee又再貼出用戴上結婚戒指的手擺出「牙痛」Pose的Selfie，並留言話「waiting for our ride」，究竟佢哋有咩慶祝節目呢？
其後，Aimee揭曉答案，原來兩夫婦坐直昇機睇住維港靚景去食晚餐，陳豪真係夠晒浪漫 豪氣！相中Aimee同老公喺直昇機前留影，只見陳豪穿著短褲，戴住超擺出好chok嘅pose，相當搶鏡！
陳茵媺甜笑收花
晚餐後，Aimee再上載甜蜜收花相，留言：「Flowers always makes me smile. Who else loves flowers as much as I do?」睇嚟陳太對阿Mo今次嘅安排好滿意喔！
陳茵媺 低調晒巨鑽
陳茵媺同陳豪結婚後減少幕前工作，專心湊小朋友！今年初，陳茵媺就一早帶住小朋友去踢波，當日天氣非常寒冷，茵媺喺社交網站上分享自拍照，留言話自己雖然著晒羽絨戴晒帽，但依然覺得好凍，就連手指都凍到僵硬埋。
在 Instagram 查看這則貼文
有眼利嘅網友就發現，依張自拍照上面，陳茵媺手上戴住2隻鑽戒，其中一隻仲有好大粒鑽石，搞笑地話陳茵媺凍親事小，低調曬鑽戒先係真。
一家五口過熱辣辣聖誕
陳豪拍攝完新劇《殺手》後，趁著聖誕假期，帶著老婆仔女飛往澳洲過聖誕。陳茵媺喺社交網晒出同老公合照，興奮留言終於等到同老公一齊度假：「Enjoying Balmoral beach with the family. Finally @moses_chan_ can travel with us! Yeah!」
一家五口溫馨合照
陳茵媺在Boxing Day晒出一家五口著住家庭裝嘅合照，夠晒應節。
未到boxing day大仔Aiden同二仔Nathan已經迫不及待拆禮物。而囡囡Camilla就戴著一身公主飾物，自己一個坐埋一邊密密拆糖食。
悉尼當地正值夏季，唔少人聖誕去避暑都必去陽光與海灘。不過，陳茵媺一家就專程去搵聖誕老人合照。佢哋著住短衫短褲留影，陳豪仲興奮舉擺V字手勢，睇嚟呢個假期一家都玩得好盡興！
陳茵媺攜三名子女返港 陳豪 冧爆逐個錫
四年抱三、湊仔女親力親為、今年暑假仲要一個打三個坐長途機返娘家多倫多探親，唔止老公陳豪話陳茵媺係Super Mum，相信好多觀眾同港媽都同意！話說計劃咗成年要帶班仔女返多倫多，可惜陳豪要留港拍新劇《殺手》，Aimee唯有一個人單獨鬥照原定計劃上飛機，雖然已經係第二次一拖三，不過今次連細女都識行識走，又係另一種挑戰！不過醒目又細心嘅Aimee安排妥當，當然無驚無險安然度過呢一個月長假！
陳茵媺攜三名子女從多倫多返港，陳豪一身休閒服現身機場接機，等了一個小時左右，引起不少市民圍觀，一見老婆同三個仔女大仔Aiden、二仔Nathan、細女Camilla，陳豪上前迎接兼逐個錫錫，肉緊到紅都面晒呀！
陳豪接受訪問時，不時望向接機大堂的出口，擔心錯過Aimee嘅蹤影，想念之情不言而喻，阿Mo指這一個月來常常和對方視像通話：「每天都陪他們吃早餐和說晚安。」
錫完大嘅，陳豪二話不說錫埋大仔、之後又踎低錫埋細仔同細女，人人有份，永不落空！阿Mo真係好男人、好爸爸、好老公，Amiee好幸福！
以前阿Mo夫婦都甚少讓子女上鏡，但隨住小朋友長大，二人都讓子女曝光，今次咁大方咁公開企定任影都係第一次！
點解得四個人嘅？因為大仔有啲怕醜，暱咗喺爸爸身後！
睇真啲，大仔似陳豪，細仔似陳茵媺！
阿MO一家出現，在機場引起一陣哄動！記者、旅客爭相拍照！
說到阿mo和Aimee小別重逢，會否準備去二人世界一下？Aimee指阿mo應該也很想念小孩，暫時都會是家庭活動。
陳茵媺 返娘家大解放
其實心水清粉絲實有留意，由生第一胎開始，陳豪兩公婆分享家庭子女照一定遮眼又「影后」，四年來一直避免讓仔女真面目曝光。今個暑假由上機到日日玩樂，竟然P圖遮眼一概慳番，cute爆Aiden、Nathan、Camilla一次過曝晒光。
陳茵媺一個人湊住三個2至4歲仔女出發往多倫多探親。一向親手湊慣湊熟係熟手媽媽，雖然16個鐘機程係好大挑戰，不過在Aimee嘅妥當安排下，可以安然度過，她立即拍片記低呢個時刻。
