陳煒香肩事業線超搶鏡 正過香香？
廣告
無綫新劇《果欄中的江湖大嫂》喺過去的星期一首播，當中成班女演員包括岑麗香、馮盈盈和江嘉敏等的造型同演出都令人相當期待。劇集出咗街幾日，當大家以為上述年輕貌美的小花會成為焦點時，其實44歲女主角「煒哥」陳煒先至係贏盡掌聲嗰個！
撰文：東方新地
圖片：TVB截圖
陳煒低胸婚紗激搶眼
其實早在第一集，陳煒以一身低胸白色婚紗出場，頸上面條鑽石頸鍊有幾閃，都唔及心口嗰part咁吸引，可謂「谷」盡全力啊！轉個頭仲要烏低身，唔小心晒埋條4寸咁長嘅事業線，捨身救老公之餘，記得救埋流緊鼻血的網民啊！
陳煒樣靚身材正，雖然44歲不過皮膚竟然仲好過一眾花旦，又白又滑，毛孔少之又少，完全唔怕高清鏡頭啊！
陳煒近年開始入屋，唔少後生觀眾見佢keep得咁好，應該大把男朋友啦！其實煒哥2008年已經同台灣商人顏志行結咗婚喇！早年煒哥更跟老公移居泰國、台灣時，不時公開曬恩愛！
不過有指自從簽約無綫復出後，同老公經常分隔兩地，導致出現婚姻危機。去年被問及此事時，陳煒承認早在復出拍劇時，經已與老公離婚，直到依家已經離婚6年。不過煒哥就話只係兩人感情出現問題，與第三者無關。
其實單身又有咩好驚呢？就快44歲嘅煒哥keep得咁好，人靚身材正，唔愁冇第二春啦！
