45歲陳曉東自拍照臉容扭曲、驚變動漫人物 網友：「變咗薛芷倫！」
撰文：東方新地｜圖片：新傳媒圖片庫、陳曉東微博
「舊照」被翻炒 驚現動漫蛇精臉
近日陳曉東一張攝於2019年初的自拍照，被網民翻出廣傳，照片中陳曉東笑容詭異下巴突出，健吾將扭曲臉容馳名的動漫人物（《遊戲王》的城之內）對比照片中的陳曉東，竟然撞臉似到極：
2021年更新版：加入男團相貌回春
今年陳曉東獲邀參與內地男圑競演真人騷《追光吧！哥哥》，同其餘20個來自內地及台灣的哥哥級男星，包括明道、汪東城、胡夏等人，角逐節目中7個男圑席位，狀態回勇，更被內地網民大讚：「長腿歐巴」、「凍齡男神」、「歲月對陳曉東太溫柔了！」看來東東魅力不減當年！
網友回應：變咗薛芷倫！
其實2019年陳曉東回港於紅館開騷時，已有一班粉絲驚覺偶像塊臉「膠咗好多」，今次見到呢張近照，評論認為直頭升級「變咗做薛芷倫」！
陳曉東驚現防腐劑外貌 唔止一次嚇親網民
早兩年，方力申、陳曉東、莊思敏等人出席支持由沈慧林主講的「創業夢飛輪」講座，分享個心經歷和心得。當時已經42歲的陳曉東近年移居北京生活，現身即驚現「凍齡防腐劑外貌」，十年如一日的樣貌不禁令人佩服！ 當時已經42歲的陳曉東透露自己正準備2019於紅館開騷，表示自己應該可以開到兩場，積極健身同跳舞。
陳曉東操弗自己
陳曉東仲話自己完咗台灣騷會密鑼緊鼓，keep住日日健身，所以依家個人都瘦咗，皮下脂肪剩15，弗晒咁話。
42歲嘅陳曉東子咗身型keep到之外，亦睇得出佢臉部肌膚依然keep得好好，望落非常緊緻同有彈性！
陳曉東凍齡外貌
近睇之下，陳曉東無論身型定外個樣都的確十年如一日，精神飽滿外，外貌就似食咗防腐劑一樣！
不過就有網民話認錯咗佢係另一個靚仔阿Ken喎！唔知大家點睇呢？
睇番陳曉東17年前嘅相相比，其實佢個靚仔樣同而家其實都真係冇好大分別！
陳曉東 自言臭脾氣 太太頂得住
陳曉東 數年前在台灣拍攝台劇《愛情急整室》期間，在診所邂逅俏護士王妤嫻，2014年兩人奉女成婚，婚後移居到北京生活，以方便東東在內地工作，兩夫婦盡量不希望相隔異地。
東東直言自己臭脾氣，夫妻相處之道有賴太太容忍度高，「係佢頂得我住啫，佢性格好、脾氣好、有耐性，比較傳統一啲，如果唔係，我哋吵到上天棚呀！」
誕下一女後，王妤嫻火速再懷孕，兩年抱兩！東東得知太太懷第一胎與第二胎時，反應有很大分別，第一次比較冷靜，第二次就十分驚訝：「吓！又嚟！」驗了四支驗孕棒也不相信，要到醫院證實才相信，細女多多在2015年8月出世。
陳曉東終有家的感覺
已有兩個可愛女兒的 陳曉東 ，都有意追多個仔，但太太修身成功，對生多個表示罷工！「我冇所謂，但太太唔想，女人身材一回復就唔想生。」女人懷孕真的不容易，王妤嫻兩次孕吐都很嚴重，第一胎甚至生完第二日仍在吐，幸好其他方面沒大影響。所以想生多個，一定要問准太太先！
