【一索得男！】陳凱琳剖腹誕「小嘉穎」 鄭嘉穎現身醫院：多謝關心！
撰文：東方新地｜圖片：陳凱琳Instagram
陳凱琳 剖腹誕「小嘉穎」
鄭嘉穎與陳凱琳上年八月於峇里結婚，之後十一月公布有喜！今日有消息指Grace在港島區一間醫院分娩，上午由嘉穎陪同下開刀誕下兒子, 有傳媒影到嘉穎下午笑笑口離開醫院，受訪時並未有否認「Baby Kevin」已出世。榮升爸爸的嘉穎表現好開心，一直陪伴BB及太太，他回應傳媒查詢時說：「謝謝關心。」並表示，有消息再同大家公布。
陳凱琳大講情話冧老公
陳凱琳陀住BB，但依然飛去越南度假，放鬆下個人！而早前Grace就晒出度假靚相，見佢淡妝上鏡望落非常精神，仲留言問大家：「你最喜歡嘅假期早餐又係咩呢？呵呵！」，睇嚟呢位咁歎嘅大肚婆心情好靚！
除此，Grace再晒出一張側身照，雖然著上鬆身上衣，但仍見到佢個肚已經好大！Grace仲sweet爆留言：「When he tells you he loves your pregnancy glow（當佢話你知佢喜歡你陀B嘅時候）」，明顯個「佢」係講緊老公鄭嘉穎，真係閃到爆燈！
晒近7個月大肚泳衣相
之後，Grace更甫出大肚泳衣相，見到雙腳依然相當纖瘦嘅佢著上一件頭泳衣享愛陽光，望落個肚又好似唔算太大，唔知係咪因為遠睇所以先細咗啲呢？
陳凱琳頂巨肚出席飯局
陳凱琳最近頻頻出席活動分享陀B心得，日前就同一班「少婦聯盟」成員，包括龔嘉欣、譚凱琪同沈卓盈，齊齊提早打邊爐，食團年飯。現時已經陀B 6個月嘅陳凱琳，個肚已經非常明顯，阿B仲有幾個月就出世，唔知「少婦聯盟」嘅姊妹會唔會榮升契媽呢？
圈中兩位準媽媽陳凱琳早前出席公開活動，Grace自從懷孕後，身材豐滿了不少，Grace大讚老公鄭嘉穎夠體貼，知她鍾意飲中湯不時親自煲湯，Grace話佢連湯渣都食埋！
因拍戲變好姊妹
龔嘉欣、沈卓盈、陳凱琳和譚凱琪因拍劇認識，結果一拍即合，發覺大家都愛講「師奶野」，就組成了「少婦聯盟」！在「少婦聯盟」成軍1週年時，4位靚靚「少婦」影下一輯性感黑色泳衣照，相當養眼！
娛樂圈不少辛酸事只有行內人才明白，少婦聯盟平日可能講邊到買野平、約埋一齊shopping等閒話家常，但正如龔嘉欣說：「真的很感恩一年前拍劇能夠遇到這幾位好姊妹！希望接下來，我們繼續互相支持，給對方和大家正能量！」姊妹的存在已是支持！
少婦聯盟希望之後有機會一起去旅行，一齊浸溫泉、滑雪，拍攝今次浴室泳衣照後，更話要一齊沖涼！不介意坦盪盪一起沖涼，真的只有真閨蜜才做到呢～
陳凱琳 鄭嘉穎公布喜訊
睇番去年11月底陳凱琳率先上載一張與老公鄭嘉穎擁抱的合照，表示喺感恩節呢個大日子，宣布家庭將會有一位新成員！恭喜恭喜！
陳凱琳：「我都想生孖胎！」
婚後陳凱琳出席慈善晚宴接受訪問，話鄭嘉穎好鍾意小朋友，助養咗10個兒童，講到生育大計，她又說：「我都想生孖胎，我有龍鳳胎基因，可能生孖胎或一男一女，我屋企仲有個家姐，我同細佬係龍鳳胎，三個好熱鬧，可以玩，不過我又聽過係隔代遺傳。」咁佢想生幾多個小朋友？陳凱琳坦言：「3個，因為我自己都係3個(家中3姊弟)，感覺好似個完整家庭咁，坐架5人車啱啱好。」 而據知，陳凱琳嘅五舅父同舅母都喺澳門住，今年4月五舅母生咗一對孖仔！
睇番Grace之前喺社交平台分享全家福，佢對上有個家姐，另外仲有個孖生弟弟Derek，不過當時張相貼出後，唔少人話家姐(左一)又好中國人樣，而Grace同孖生弟弟有啲似mix！
其實早在Grace當選港姐時已被誤會是混血兒，不過父母都中國人臉孔，曾引起一陣話題。當年陳凱琳曾回應傳媒說： 「我係爸爸媽媽親生，細佬同我一樣，由細到大都鬼鬼哋⋯」
又睇吓呢張姊弟合照，唔講真係似為佢哋係mix！
陳凱琳 同孖生弟弟拍廣告
Grace同孖生弟弟Derek為化妝品牌拍攝影片，首度出鏡的Derek和家姐Grace頭貼頭一齊上妝，為了測試品牌的防水能力，佢哋一齊做運動之餘，Derek仲拎住毛巾為Grace擦臉，好溫馨呀！
不過，陳凱琳稱細佬不會入行，今次是經驗和回憶，將來他們重溫會好開心。
拍攝當日廣告商與陳凱琳經理人也在場，他們也詫異Derek 首次出鏡但表現很自然。
由細到大Grace跟Derek也好好感情，一齊玩、一齊同朋友聚會，而細佬更係佢傾心事的對象。
當時影片出街後，留言讚cute、cool、靚仔、靚女嘅人好多，但都有唔少網友都話奇怪佢哋嘅父母係傳統嘅中國人樣子，但Grace同孖生細佬居然就好似mix，更有網友更指Derek同外國影星Ryan Reynolds似樣，到底點解呢
I remember when we were kids, my twin brother and I LOVED to spend our Summers going to the beach with our friends and lying in the sun for HOURS…that was before we both heard about UV~ Fear not! We’ve now discovered the REVOLUTIONARY YSL「 All Hours Foundation 」that’s both easy to apply and has crazy good coverage! Best of all, it’s totally SUMMERPROOF (that’s my word for water, sweat resistant) and TRANSFERPROOF! Enough talking, Summer’s waiting! ☀ P.s. This was my baby brother DEREK’s 1st time being on camera and he was so GOOOOD! So please SHOW SOME LOVE! ☺️❤️😘 . . . . . #YSLBEAUTYHK #ALLHOURS #HIGHONMATTE
Grace Chan（@ghlchan）分享的貼文 於 張貼
