鄭伊健自爆一年做一件事 網民：人生大贏家！
一年做一樣嘢？
鄭伊健到商台節目《早霸王》任嘉賓，被主持森美、小儀問到近年較少出現幕前，是否以休息為主時，他說:「係啊，我一年做一樣嘢（演唱會）。」小儀聽後表示「好爽」，鄭伊健就解釋道因為較空閒，沒事做，又可以體會疫情下發生什麼事。他被指懂得享受人生，對此他表示「我可能比較懶，不過都要諗下做啲咩。」更指出自己依然喜歡打機、科技玩物，但就抱怨近年因疫情，許多東西都難以購買，例如Steam deck。《早霸王》該集訪問播出後，有不少網民都表示十分羨慕他，指一年只做一件事，簡直是「人生大贏家」。
網民：「鄭伊健嘅生活係每個男人夢寐以求嘅理想形態」
鄭伊健對於生活的態度一直都備受關注，其懶理世人眼光，自己想怎樣就怎樣的處事風格也一直是外界熱議的話題。近期活躍於宣傳自己新戲同新演唱會，不過在這之前都一直十分低調，冇嘢做都係留在家中為主。有網民更直言他的生活態度是每個男人都夢寐以求的夢想。
1.專心做好一件事
伊健在每次有工作時，都會落力於工作上的宣傳，毫不留力地東跑西跑，出席唔同活動，並前往唔同的節目做訪談，務求能夠提高曝光率去為自己宣傳，並專注於其中，毫不偷懶。
2.想玩就玩
熟悉鄭伊健的fans應該都知，伊健閒時最鍾意就係打機，沒有工作在身時更是只宅在家中打機，連街都唔出。而除了打機，伊健亦熱愛研究一些電子產物，如果當時伊健唔係揀咗做明星，可能向電子界或者電競界都會有唔錯發展！
3.追貼潮流
鄭伊健雖然成日宅於家中，但他絲毫沒有與世界脫節。近日發生的大事他都沒有放過，上森美電台節目《早霸王》時更大談自己近排動向，仲向聽眾分享近日在玩《Splatoon 3》，追得好貼！
4.有投資眼光
鄭伊健與蒙嘉慧夫婦除了在香港有樓收租外，早早就進駐日本建立當地的不動產事業，兩人在當地為港人提供住宿選擇，而且在當地都有唔同單位收租。該類被動收入都證明了兩夫婦擁有不錯的投資慧眼，唔係淨係識打機咁簡單！
5.乜都做過晒
鄭伊健雖然已經踏入55歲，但依然充滿「佬味」。年輕時獲捧成偶像，又做過歌星，又撈過界拍《古惑仔》、《九龍冰室》等等的電影紅透亞洲。站在人生巔峰的鄭伊健依舊沒有太過於自視過高，反而越大越成熟，低調過活卻不失「大細路」心態。
6.老婆乜都撐
鄭伊健出晒名「愛妻號」，當然也要歸功於老婆蒙嘉慧，即使老公冇嘢做時只係「佛系等工開」，日日宅喺屋企打機，但老婆都沒有半點怨言，反而係打埋一份，同老公分享喜悅。而且兩人低調生活都曾被狗仔隊影到，拖住手仔甚是甜蜜！
7.不隨波逐流
雖然一眾以前與鄭伊健一同出道的「古惑仔」已經選擇了北上搵真銀，但鄭伊健依舊堅持自己，致力於本地發展。而台灣亦看好伊健呢一點，所以力邀伊健去當地拍新劇，連台灣人都期待男神出演台劇啊！
8.夠貼地
雖然鄭伊健已經算得上是「人生贏家」，但他同樣十分貼地，就算近期熱門話題佢都搭到嗲。甚至懶理自己明星生活，想去邊就去邊，曾被捕捉過同老婆兩人手拖手落茶記食飯，夠晒貼地，相信伊健識用八達通入閘的！
