鄧兆尊驚爆有「新四奶」?街頭親密照網上瘋傳 真正關係原來係咁樣
鄧兆尊 被爆與一女子著「情侶裝」行街
現年57歲的鄧兆尊一向艷福無邊,同時擁有三名女友Carmen、Cherry和陳妙慧(Nana),最近有社交網專頁公開他與一名女子翹手行街的照片,相中可見兩人同樣穿著白色T恤,似足「情侶裝」,而且這名女子的外型似乎符合鄧兆尊的喜好,使得不少網民都猜測他可能有新「四奶」。
![鄧兆尊 鄧兆尊近日被影到與一女子在街頭親密同行。(圖片來源:FB圖片)](https://imgs.orientalsunday.hk/wp-content/uploads/2024/07/01_13763401256695efcad93c8.jpg)
鄧兆尊「新歡」貌似「新何太」
這張照片引發網上多個群組熱議,網民紛紛留言指該女子貌似「新何太」,大讚兆尊好「識食」:「今次挑戰重量級」、「呢期流行河馬」、「珠圓玉潤好福氣」、「識玩」、「新河馬」、「果然有眼光」、「惜食典範」等,但亦有不少網民認出這名女子的真正身份,原來係一位名叫「霞姐」張錦霞的YouTuber。
![鄧兆尊 這名女子原來是YouTuber「霞姐」張錦霞。(圖片來源:霞姐IG)](https://imgs.orientalsunday.hk/wp-content/uploads/2024/07/02_3262668426695f04ccc69c.jpeg)
真相大白:拍攝合照非戀情
兆尊在《田豪祖3寶Channel》的直播中就回應了這段緋聞,之前他曾形容三位女友是「水、電、煤」,今次在貴花田問到「四奶」傳聞時,他就解釋說:「佢就係盛傳中嘅差餉?呢個係你哋一個YouTuber,好出名嘅,叫霞姐,香城一姐,上次我話去拍嘢,就係佢哋邀請我,同我拍咗個劇,跟住就係咁囉。」
![鄧兆尊 兆尊在直播中回應有關新「四奶」的緋聞。(圖片來源:YouTube@田豪祖3寶channel)](https://imgs.orientalsunday.hk/wp-content/uploads/2024/07/04_1666891356695f2ca2ac24.jpeg)
兆尊指「霞姐」已有人「認頭」
兆尊形容霞姐斯文又怕醜,指已忘記相片何時影,估計應該是劇照。他直言霞姐已有人「認頭」,拍片的導演趙羅尼「已經長期做佢條仔」,又指親密動作是由霞姐作主動:「係霞姐主動問我可唔可以翹住手,我話拖住都得,你鍾意點都得,咁佢一嘢翹咗過嚟。」
![鄧兆尊 導演趙羅尼(Ronnie)是霞姐男友。(圖片來源:YouTube@香城映画)](https://imgs.orientalsunday.hk/wp-content/uploads/2024/07/06_14531288206695f4a592d61.jpg)
稱翹手係「返工福利」無需備案
對於被大家誤會有新「四奶」,兆尊表示不介意,讓大家笑一下無所謂,並表示拍攝前不用向3位女友交代工作:「唔使備案,呢啲係返工福利,咁都要備案嘅咩?」此外,兆尊還稱讚YouTube頻道《香城映画》拍攝十分認真,笑言要帶埋曾志豪去拍片:「片入面仲有好多唔同嘅靚女,播嗰陣你哋睇。」
![鄧兆尊 兆尊成功令身邊女人唔會為佢爭風呷醋,前三奶Claire(右)與二奶車厘子(右二)、大婆Carmen曾在2017年結伴孖兆尊及小艾看草蜢演唱會。(圖片來源:新傳媒圖片庫)](https://imgs.orientalsunday.hk/wp-content/uploads/2020/04/xxx_1166a_cove_p16_19_16513453485e903c061a70b.jpg)
鄧兆尊風流情史再重溫:
成為鄧兆尊三奶的單親媽媽陳妙慧(Nana)帶住一對仔女投靠鄧兆尊多年,依然跑贏大婆同二奶,疫情期間只見兆尊與三奶出雙入對,曾被本刊影到去沙灘碌地沙情感大爆發後又被影到當街有接觸,以往陪女友分班制已蕩然無存。有指三奶非常進擊,為迷惑兆尊誓坐正奇招盡出。2021年更傳三奶肚凸凸疑似有喜。
鄧兆尊情陷新三奶
鄧兆尊常被稱為「男人之光」,原因是多年來盡享齊人之福,自從同舊三奶Claire分手,旋即由陳妙慧(Nana)補位。早年有人見到兆尊同肚凸凸豐滿女子現身養和醫院,兆尊在旁百般呵護,即惹來三奶大肚疑雲。其後陳小姐瘦身廿磅脫脂上陣,成功令兆尊為一塊半肥瘦豬扒放棄整個肉食市場。
不育主義有變數
對於三奶得勢令大婆Carmen和二奶車厘子不滿,鄧兆尊接受傳媒時表示三個女人相處融洽,冇問題,仲話一對繼子女叫他做叔叔,視如己出,有教小朋友讀書。以往對小朋友興趣不大的鄧兆尊,竟然唔同晒,對於會否生仔,兆尊更話會隨緣,似乎已經唔再抗拒,開綠燈畀三奶?
![鄧兆尊 鄧兆尊唔介意買大送細,不時與三奶及繼女三人行。(圖片來源:新傳媒圖片庫)](https://imgs.orientalsunday.hk/wp-content/uploads/2021/11/15_1173a_cove_p16_19_13173435035ece437a0a3ef_140420032561932474dfa0e.jpg)
鄧兆尊春情大爆發
同新歡打得火熱的鄧兆尊,2020年更衝出灣仔,陪住新三奶勇闖南灣與陽光玩遊戲,面對進擊的三奶姣騰騰掃髀罅,鄧兆尊根本無力招架,之前話過與女友不會公開親熱的他,情不自禁破晒戒拖晒手又錫膊頭。為博新三奶一笑冷落其餘兩位,鄧兆尊仲話冇大細超?
![鄧兆尊 擁有傲人身形的三奶原來是性情中人,與鄧兆尊曬住傾唔停,坐姿與笑聲同樣豪邁。(圖片來源:東方新地圖片庫)](https://imgs.orientalsunday.hk/wp-content/uploads/2020/05/02_1173a_cove_p16_19_19547242325ece435fedf1c.jpg)
鄧兆尊南灣慾戰國產新歡
三奶成功獨霸兆尊,令向來佛系的兆尊離開他的活動範圍(灣仔與銅鑼灣),甚至親自揸車陪她去十年都唔去一次的海灘,鄧兆尊曬太陽的畫面罕有地出現,而且仲非常之香艷。早前兆尊與三奶在淺水灣現身,見海灘非常多人,二人轉去附近的南灣,身穿黑色碎花三點式的三奶看來對自己的逼爆身材充滿自信,不斷擺出大媽甫士要兆尊為她影寫真,期間又揭開泳衣用手指篤自己心口團肉,影相時又借意彎腰,甚至出手姣掃兆尊髀罅,令他長時期維持開心興奮的狀態,笑唔停。
![鄧兆尊 (圖片來源:東方新地圖片庫)](https://imgs.orientalsunday.hk/wp-content/uploads/2020/05/002_13426627165ece435dd150b.jpg)
鄧兆尊對新歡寵愛有加
歎慣的兆尊最抗拒戶外活動,今次肯紆尊降貴陪女友享受日光浴實屬難得,身穿T恤短褲的他為配合三奶,碌完沙灘纏綿完,又陪她行去海邊影相,不過影咗幾張相兆尊就提議離開,令三奶扁晒嘴。以前兆尊與女友行街都是保持距離,絕少被影過拖手或有其他親熱行為,他曾說為公平起見不會與任何一位女友有公開的親密行為,所以今次他與三奶的互動絕對是前所未有,拖手與攬攬錫錫全部做齊,而且睇得出兆尊樂在其中。能令兆尊破晒戒,國產L小姐果然威力無窮,看來即使正印Carmen與二奶車厘子聯手對抗,都未必係佢對手。
![鄧兆尊 鄧兆尊與新三奶來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。(圖片來源:東方新地圖片庫)](https://imgs.orientalsunday.hk/wp-content/uploads/2020/05/001_6462221375ece435be50ed.jpg)