盤點郭富城演唱會頭場7大重點!半億舞台效果超震撼 (附完整歌單)
盤點郭富城演唱會頭場7大重點:
1 | 帶20位Dancer登場氣勢非凡
城城今晚在8點45分以金色捲毛假髮,加上一身黑色閃片西裝登場。城城一登場就從台上的立體LED屏幕中央登場,並與20位Dancers載歌載舞,大唱新歌《EXIT》,非常有氣勢!現場城城唱出「愛上跳舞太開心,跳到每個拍子都叫好」歌詞時,真係令全場熱血沸騰!
![郭富城 城城今晚在8點45分以金色捲毛假髮,加上一身黑色閃片西裝登場(圖片來源:小紅書圖片)](https://imgs.orientalsunday.hk/wp-content/uploads/2024/08/vs-francischengnumberoneprinstagramphotosandvideos-002_61649841266bb6e424a167-576x1024.png)
2 |新歌《EXIT》勁舞炸場 郭富城講明唔會退休
現場城城唱出「愛上跳舞太開心,跳到每個拍子都叫好」歌詞時,真係令全場熱血沸騰!城城仲話今次演唱會嘅新歌《EXIT》畀人人以為佢要準備退休,佢就話表示自己很愛舞台:「一定唔會退休!」,佢希望大家畀掌聲,亦希望大家有笑聲,睇騷盡興!
3 | 服裝造型超獨特 公仔麵髮型驚艷網民
城城為今次演唱會的服裝造型方面都別具心思。首先一開場就有金色捲毛假髮造型,接著又換上新橘色Highlight假髮,夠曬大膽又創新。
![郭富城 網民都被城城今次金色假髮驚艷到。(圖片來源:小紅書圖片)](https://imgs.orientalsunday.hk/wp-content/uploads/2024/08/_2___131233921466bb6e48f10fe-768x1024.jpg)
4 | 演唱會多睇頭即場邊畫畫邊唱歌
除了服裝夠曬獨特之外,城城今次演唱會亦非常有睇頭。不但在演唱《無忌》前化身成為Iron Man上陣,載歌載舞全場High爆;到演唱會後半部更邊畫畫邊唱歌,一眾歌迷都睇到哇哇聲。
另外,城城還準備了一首新歌《您》送畀支持他多年嘅Fans,寫咗30幅嘅「您」字畫,一幅畫代表一年,好有誠意。
![郭富城 城城在唱出《無忌》之前播放一段VCR。(圖片來源:小紅書圖片)](https://imgs.orientalsunday.hk/wp-content/uploads/2024/08/2024-iron-man-aaron-iron-man-1-24-screenshot_53118827766bb6e6fbb0cd-1024x819.jpg)
5 | 半億舞台效果震撼 極有藝術感
不過要講到最為驚艷的,一定是城城花半億所打造的立體多元舞台。城城的舞台設計師Fion在演唱會前,已經提到希望能夠憑三面台,打造出一個有五個舞台的視覺效果。從網民所上傳的照片亦可見舞台設計非常精緻,大屏幕上的影片亦設計得非常仔細、唯美,非常震撼!
![郭富城 從網民所上傳到社交平台的照片可見,城城今次演唱會的舞台設計極為震撼。(圖片來源:小紅書圖片)](https://imgs.orientalsunday.hk/wp-content/uploads/2024/08/vs-exit-020_53366876966bb6db091091-1024x576.png)
6 | 深情演唱失戀慘情歌 1原因獲讚寵粉
城城除了唱快歌之外,在今次演唱會中亦有唱出一連串失戀慘情歌《錯愛的呼喚》 、《愛下去》、《忘不了》 ,其中更包括粉絲們要求他唱的《雨中感嘆號》,獲粉絲們大讚城城夠寵粉!
![郭富城 城城今晚除了唱快歌之外,亦有唱出一連串失戀慘情歌大曬唱功!(圖片來源:ViuTV)](https://imgs.orientalsunday.hk/wp-content/uploads/2024/08/img_6565_79992611166bb81d385b3d.jpeg)
7|台上台下星光熠熠老婆囡囡現身支持
台上有郭富城發光發熱,台下亦星光熠熠,多位郭富城圈中好友都有到場支持,包括溫碧霞和其家人、 張智霖和袁詠儀、馬浚偉、蔡一智、樂易玲、少爺占和鄭丹瑞等。城城太太方媛亦有帶同兩位千金到場支持爸爸,非常溫馨。
2024郭富城演唱會完整歌單:
1. Exit
2. 你是未來
3. 望鄉
4. 越愛越好
5. 木偶襲地球
6. 親愛的
7. 錯愛的呼喚
8. 風裡密碼
9. 舞林正傳
10. 無忌
11. 痛哭
12. 愛下去
13. 忘不了
14. 雨中感嘆號
15. 純真傳說
16. 砌你
17. 飛
18. 愛的呼喚
19. 國王的新歌
20. 神經
21. 一變傾城
22. 失憶諒解備忘錄
23. 敬啟者之愛是全奉獻
24. 脈搏
25. 您
26. I am Aaron KWOK
27. 想見便遇見