【罕有公開】晒巨廳、泳池，仲有神祕金庫！美斯超級豪宅大公開
編輯：東方新地｜原文：東方新地、Elaine＠SundayKiss｜ 圖片、資料來源： messiInstagram、TBS影片截圖
日本節目首度公開影片 即睇美斯豪宅
早前，日本TBS電視台的拍攝團隊到美斯位於西班牙巴塞隆拿的豪宅參觀。
1）客廳、飯廳
鏡頭一轉，已綞來到美斯家中的客廳。最觸目的傢俱，莫過這個超長的灰色沙發！美斯在個人社交網絡分享帖文，不時相邀朋友到容廳的沙發促膝而談。旁邊的飯廳更為誇張，飯枱的面積大得連鏡頭也容不下，當然椅子也有相當的數量，啱哂美斯一家四口居住！
2）私人泳池
再來，客廳的落地玻璃清晰見到大型的私人游泳池，與小朋友暢泳就最好不過！這個佈置較為簡約，但是位置卻正好對著陽光，而且周遭都有椰子樹包圍，設備一應俱全，如同在五星級酒店夏日度假一樣。
3）球星「金」庫
美斯續道，這是第一次在鏡頭公開他的「金」庫，即是珍藏庫！美斯在足球界得到的獎品，都離不開「金」字。第一站要參觀珍藏，就是美斯在歐洲金靴獎得到的金鞋獎。從8年內足球員獲獎名單來看，美斯經已獲獎四次，至今仍未有其他足球員打破其獲獎次數。
除了金鞋獎，另一個櫃就裝滿美斯歷來得到的金球獎。截至目前為止，美斯總共獲得5次金球獎的殊榮，同樣是有史以來獲獎次數最多的足球員。
不愧為足球王國，屋內的牆身都掛滿了上演帽子戲法時的足球。美斯續道，沒有完全陳列所有足球，只因數量多得不能容納下來，可謂誇張。
4)球衣室
有關球賽的珍藏，美斯就連釘鞋都掛滿在牆身和天花板，還有不同號碼的球衣，有的是比賽結束後，跟其他球員交換的，可見美斯在足球界的人緣也不錯！
最後所謂「友誼第一，比賽第二」，牆身都貼滿了他跟和球員阿圭羅擁抱合照，值得觀賞。
5）廚房
美斯帶拍攝團隊走完客廳，就來到廚房。美斯手中拿著的東西，就是在視頻出現的馬黛茶。這是來自阿根廷特產。當中他拿著的兩個杯子，前者貼滿了家人照片的杯子正是親人送的，後者就是另一個球星蘇亞雷斯送的禮物。
還有，他手中拿著的容器仿似裝滿狗糧，原來就是馬黛茶。美斯拿著馬黛茶，坐在沙發教觀眾如何喝馬黛茶，十分逗趣！
美斯豪宅盡現溫馨風格
雖然美斯的豪宅未必說得上金碧輝煌，但所有陳設、傢俱和佈置都離不開家庭。大面積的豪宅，不是為了要炫耀財富迫人，更多是希望提供足夠的空間，可以好好與自己的小朋友生活。即使是在家看書，游水，也是離不開家人。從他與家人的合照中，就能看出簡樸的裝潢中，有著一份sweet sweet home的感覺！
同場加映C朗拿度5,510萬豪宅一遊
葡萄牙翼鋒C朗拿度(Christiano Ronaldo, C朗)，無論你係咪球迷都唔會唔識佢啩？不過C朗又幾好波都唔需要小編多介紹，今次想同大家參觀一下佢間價值5,510萬、佔地約8,600平方呎的豪宅，真係要小心蕩失路呀！
C朗拿度球技了得，吸金力亦是驚人，佢今年在福布斯十大運動員收入排行榜中居第三，年收入高達1.08億美金！C朗一家住在馬德里著名豪宅區La Finca，其豪華獨立屋由著名建築師Joaquin Torres設計，佔地約8,600平方呎，共有7間睡房及8間浴室、泳池、足球場、健身室及「獎盃室」等，真係分分鐘會蕩失路……
｜低調奢華客廳
C朗同屋企人最常用的客廳以白、黃色系為主，一張深藍色大梳化、水晶吊燈，另外牆上有多個銀邊相框。低調的奢華？
家庭照錯重點
去年Georgina上載一張與C朗及四個小朋友坐喺梳化的家庭照，相中可見C朗、Georgina及大仔「小C朗」各抱住一個BB，場面非常溫馨。不過萬千網民通通睇錯晒重點，因為相中Geogrina身穿吊帶小背心，露出傲人雙峰，非常胸湧，睇到O晒嘴！
黑色飯桌又型格又大張，請幾多位朋友嚟食飯都冇問題！
｜「CR7」睡房
C朗的睡房，當然要用上自家品牌「CR7」的出品啦！
｜想去C朗屋企？艾夫拿提提你…
暫時睇到呢度，相信唔少人都想好想去C朗屋企參加吓、食個飯！不過C朗前曼聯隊友、法國球星艾夫拿(Patrice Evra) 就警告大家千萬唔好去！事緣早年艾夫拿曾獲邀去C朗屋企食飯，點知食餐飯就得白烚雞胸、沙津同清水，連果汁都冇杯！
艾夫拿續道，本來當日操練完已經好累，但C朗食完飯不久就叫埋佢一齊練波，練完波就游水，之後仲有按摩浴缸和焗桑拿… 所以艾夫拿勸大家千萬唔好去C朗屋企！由此可見C朗真係非常勤奮，律己極嚴，幾乎沒有一刻停止訓練～
｜鏡子老是常出現
曾經有裝修師傅大爆C朗鍾意照鏡，所以設計到成屋都係鏡，似乎都相當切合其性格！
｜頂級專業健身房
大家都知道C朗拿度係一名非常勤奮、律己極嚴的運動員，佢一砸千金喺家中建造設備頂級的專業健身房，無時無刻都在訓練！早前有新聞指C朗身體年齡僅23歲，比其實際年齡年輕10年；而體脂肪比例僅為7%，低於一般球員的10%。另外C朗更有聘請私人營養師、醫生、物理治療師和廚師等，生活極有規律！
所以小C朗人仔細細已經咁大隻囉！小編再望望自己個肚腩…
｜泳池有兩個
上文提到C朗曾拉埋艾夫拿食完飯游水，其實佢屋企共有兩個泳池，一個係帶氧訓練專用的短程室內游泳池，另一個就係室外游泳池。C朗除了平時自己操練，當然會同家人一齊玩水曬太陽，享受天倫之樂～
｜私家足球場 冇得跟隊
C朗係足球員，屋企又點會冇足球場？佢仲會同小C朗一齊踢波！
｜靚車同獎盃一樣多
C朗拿度除了獎盃多，佢亦係出名的愛車之人，名車一樣多！Bugatti超跑、賓利、保時捷、林寶堅尼通通不缺。大家可能都有印象，C朗2009年時曾購入一部價值達32萬美元(近250萬港元) 的法拉利跑車，點知新車落地兩日就炒車，陰公！
