狄以達前女友個個高質點止港姐冠軍陳曉華？

狄以達前女友：2018港姐冠軍陳曉華（2018年分手）

2018年港姐冠軍係賽前大熱陳曉華(Hera)！喺才藝表演環節，陳曉華表演空中瑜珈！泳衣問答環節，淡淡定冇問題～陳曉華決賽當晚表現唔算最亮眼，但勝在夠平均，同埋本身條件實在係強勁！早在陳曉華參選港姐初時，就有網民在討論區爆料，指Hera曾經同狄以達拍拖，兩人曾被影到在牛頭角一一餐廳撐枱腳，舉止親蜜，而Hera畢業時達仔亦有露面。當時達仔回覆傳媒，表示佢同Hera喺參選前已分手，不過都支持前女友參選！其後前女友奪港姐冠軍，傳媒當然要問問狄以達反應，唔知佢打電話定Whatsapp恭喜呢？對此達仔就表示：「喺TVB撞到先親口恭喜啦！」避免太過主動，不過似乎又幾有誠意，達仔呢個回答大方得體。

狄以達被前度指貌似阿正前女友個個高質

在ViuTV《膠戰S2》最後一集，阿正大爆與Hilary初相識時，Hilary表示她的樣子跟其某個朋友右邊面「好相似、十分親切」。有觀眾估計這位前度就是同樣眼細細的狄以達。

現年33歲的狄以達，2008年以藝名狄易達（2017年改為狄以達）出道成為唱跳歌手，大家對佢印象應該都係其精湛舞技。雖然狄以達演藝事業又唔算話好出色，但佢本身係跳舞學校校長，又與朋友開設室內設計裝修的配對平台。不過最令人佩服的，就係達仔除了陳曉華外，歷任女朋友同緋聞對象個個都係咁高質！

狄以達前女友：台灣性感女神（2016年分手）

台灣性感女神吳亞馨，身兼演員、模特兒及主持人，除了174cm模特兒身高，更擁有34C噴血上圍！2015年時，狄以達參加一次私人活動而結識比自己年長5歲的吳亞馨，有指兩人一見傾心，好快就打得火熱！不過呢段姊弟戀大概一年後便告終，兩人於2016年約5月分手。而吳亞馨可能仲有一件更廣為人知的事，就係佢喺2012年曾捲入李宗瑞淫照事件中。

狄以達前女友：Hillary劉沛蘅（2014年分手）

現年30歲的模特兒劉沛蘅(Hilary)，為Angelababy同公司的小師妹，又因為與薛凱琪樣貌有幾分相似，而被稱為「模界薛凱琪」。除了模特兒事業外，Hilary近年亦開始涉足影壇，參與過拍攝電影《蝕日風暴》及《八個女人一台戲》等，最近亦有份參與ViuTV新劇《詭探前傳》，與前輩鄭少秋和陶大宇合作。