熊黛林人工受孕陀孖女？經理人：好消息等Lynn公布！

撰文：東方新地 ｜圖片：熊黛林IG、熊黛林微博

傳熊黛林人工受孕 陀孖女

郭可頌突然在網上大晒一張與老婆的撐枱腳嘅合照，臨盆在即的Lynn腹大便便，郭可頌又以英文留言：「人生的另一階段已進入倒數時刻。」而今日有報道指Lynn有見自己37歲，為了把握時間，去年進行人工受孕，成功懷有孖女，預產期係下月初，而佢同老公就計劃提早兩周即今個月中開刀生B！

Lynn懷孕期間胃口好好，早前更唔忍口去食麻辣火鍋㖭！

經理人：好消息等Lynn自己公布！

Lynn經理人Kim，問到Lynn係咪人工受孕同懷孖胎，佢未有正面回應，只係話﹕「好消息等阿Lynn自己公佈吧！」

熊黛林同經理Kim合照，晒出極速升級嘅上圍同巨肚。

熊黛林讚郭可頌貼心 Lynn：我無嫁錯人！

Lynn早前Lynn就同老公郭可頌拍了一輯靚相留念，相中見Lynn笑得開心燦爛，雖然腹大便便但四肢仍然纖瘦，絕對是準靚媽咪，而穿起吊帶裙的Lynn，上圍都升級了不少。至於爸爸郭可頌亦愈來愈fit，手臂肌肉盡現，看來做型爸單手抱B都無問題。Lynn話：「一直老公都好照顧我，有了BB後老公更事事以我為先，我覺得好開心，睇得出自己真是無嫁錯人。」

作為準媽咪，Lynn現在未覺緊張，反而非常期待BB到來，但同時又有點捨不得與BB身心相連的親密關係，「每次BB在我肚入面郁我都好興奮。」問到Lynn有否特意看書學習湊B及教小朋友技巧，Lynn表示自己只看了小量關於育兒書籍，平日反而多向有經驗的朋友請教，「我們都想順其自然，第時再一步步學習，我不想給太大壓力家人及BB。」果然是貼心溫柔的媽媽及老婆。

熊黛林 幸福準媽媽

準媽媽熊黛林(Lynn)陀B七個月時，同經理人Kim合照，晒出籮咁大嘅巨肚，Kim仲摸住熊黛林個巨肚留言：「漂亮準媽媽」對比之前大肚近五個月時嘅瑜伽照，Lynn個肚脹真係大咗唔少，上圍亦極速升cup！但Lynn手腳依然纖幼，面容亦未有特別發福，真係肥肚不肥身，令不少孕媽羨慕！相信係因為Lynn好勤力，大住肚都keep住做瑜伽！