無綫上位小花大比拼 簡淑兒定江嘉敏？
撰文：東方新地
《波士早晨》簡淑兒
28歲簡淑兒(Jessica)在2012年由美國回流返港，參加香港小姐選舉但20強不入，之後在娛樂新聞台擔任主播，加入女團「少女標本」成為四名成員之一才漸多人認識！簡淑兒憑一雙會放電的腰果笑眼，近年迷倒一眾宅男！
《愛回家之八時入席》 清純女秘書
有人話「鍾意笑嘅女仔特別受歡迎」，咁簡淑兒可能就係一個例子。無綫處境劇《愛．回家之八時入席》自開播以來收視平平，但簡淑兒加入《愛回家之八時入席》演清純女秘書，憑住招牌腰果眼、甜美笑容加上密密短裙露長腿成為網民討論焦點，令唔少宅男追看。
《迷》 演學生妹
之後簡淑兒又有份喺無綫劇《迷》登場飾演學生妹，雖然只係做配角，但一樣受到唔少觀眾嘅歡迎，俾網民大讚佢又靚又可愛！28歲嘅簡淑兒只係比飾演媽媽嘅39歲田蕊妮細13年，但簡淑兒着起校服，睇落似足真嘅學生妹一樣，完全冇違和感。
《平安谷》淼淼 險被鄭子誠姦
而喺大結局無耐的無綫劇《平安谷之詭谷傳說》， 觀眾口碑出乎意料地好，一班女演員的演出備受讚賞，其中簡淑兒飾演一個天真可愛的小女孩淼淼，不過就有個獸父鄭子誠，仲差啲被侵犯！紥一對孖辮、楚楚可憐的樣子，簡淑兒真係無得輸！
接住《平安谷》出街的《波士早晨》，男主角方面有黃智賢、洪永城等，吸引力一般；反而女演員陣容更吸引！除了人見人愛的Ali李佳芯、好耐無拍無綫劇的陳慧珊外，觀眾在同一時間又見到簡淑兒！呢套係三年前嘅倉底貨，佢飾演OL Hana，同張致恒有感情戲！處女劇未知演出如何！
《波士早晨》又見到佢
今次簡淑兒飾演一個初級秘書仔，怕怕醜又驚青咁，由佢演繹就適合不過！
當年簡淑兒二十強不入，一早做咗炮灰。係同屆黃心穎、朱千雪、湯洛雯等太高質，還是簡淑兒方面、細眼、扁鼻實力差太遠？雖然話女大十八變啫，點解事隔數年冇人話心穎BB同千雪BB變咗樣既？又點解可以變變下變咗撞埋Baby樣呢？呢個先至係真正既《謎》！
簡淑兒：我以前只係黑同肥
唔止眼耳口鼻連面形都變埋，27歲簡淑兒口才同應對記者EQ一樣進化。其實整容傳聞由16年加入《愛回家之八時入席》出演秘書仔時就傳到㷫烚烚，當時簡淑兒經已反客為主，自post 11年回流前美國留學舊照，自嘲曾經又肥又黑、再自嘲EQ差、話傳媒專揀妝頭出事的相片對比，水蛇春咁長hashtags，曲線自辯係女大十八變唔係整容囉！
《親親我好媽》江嘉敏
現年23歲江嘉敏中學讀嘉諾撒聖心書院，江嘉敏自17歲已瘋狂拍私影同接拍微電影，而佢喺《親親我好媽》中飾演江美儀大女，一位17歲學生妹，因爲演技自然而大受好評！江嘉敏戲内係一位乖巧文靜，品學兼優的學生，真心純過蒸餾水！佢喺劇中同何廣沛嘅感情線，更是觀眾至愛情節！
港台劇狂扮學生妹
雖然第一次參演無綫劇，但其實江嘉敏拍攝經驗可不少，好似《女人多自在5》、《沒有牆的世界》及《我的家庭醫生》等港台節目，劇中角色一律都係學．生．妹！所以佢在《親親我好媽》再演學生，完全係駕輕就熟！
色誘張繼聰
而在早前播完嘅無綫劇《誇世代》﹐江嘉敏同張繼聰搞「大叔戀」，二人一場切磋武技戲份，背心拋胸的江嘉敏，胸壓張繼聰不特止，還用腳將男方夾到實一實，睇到班宅男熱血沸騰。
初熟水著曝光
江嘉敏17歲已經狂拍私影，做Model經驗豐富，不過水著晒身材就不常見，睇怕今次又令班宅男暈其大浪!
激罕晒身材
近年忙於拍劇的Kaman，成為2017年Google人氣搜尋女藝人，其實佢曾跟《新假期》出過不少Trip，除了去文青feel嘅日本和台灣，仲去過馬爾代夫，大晒噴血身材呀！
講開簡淑兒，雖然係靚靚上位小花，以為佢一定係要風得風，要雨得雨啦！原來佢細個喺美國讀書時，俾班鬼仔同學欺凌過！
簡淑兒小時候移居美國 慘被欺凌
簡淑兒早前上電台接受訪問，憶述8歲時移民到美國，慘俾鬼仔同學欺凌嘅經歷。
「嗰時我哋一家住喺意大利人區，得我哋嗰家人係中國人，所以俾同學歧視。」
「聖誕節嗰時，我喺屋企門口布置，班同學行過就成隻雞蛋掟埋嚟。」
「仲試過收恐嚇信！信入面畫咗啲好核突嘅公仔囉！」
仲試過俾坐後面位嘅男同學剪佢啲頭髮！更嚴重係…被人推落樓梯！真係好過份！
咁有冇向老師求助？「老師都唔會理，會當聽唔到睇唔到。」點解可以咁樣對一個8歲嘅小朋友㗎？
