【港姐2018】20位候選港姐變髮！村姑出城！ 「人魚崔碧珈」帶蛙鞋整頭⋯
工藤佑采
工藤佑采(Yutori)最話努力做gym keep弗，仲話唔希望剪短頭髮，因為短髮唔襯自己！
富二代 丁子田
「富二代」丁子田被問到選港姐有冇優勢？佢話冇喎！
微笑Linsy
呢位黎智(Linsy)外表有啲cool，但一見記者即微笑，醒目呀！
「人魚崔碧珈」Honey Ho 帶蛙鞋
有佳麗遲咗15分鐘才到達，但「人魚崔碧珈」何泳芍(Honey)同梁致欣(Jenny)最早到場，抵讚！
有古銅色皮膚嘅Honey晒小蠻腰，仲拎住一對美人魚蛙鞋，佢話：「學生還返畀我，之前冇時間攞。」
Jenny站在Honey側邊顯得白雪雪。
前組合As One成員陳苑澄(Nata)姍姍來遲，佢話因為頭痛至會遲到！
高育英(Kelly)條花裙娘到呢，品味固然冇乜，最弊仲係遲足15分鐘。
童銘欣(Christy)呢條斑點加圓頭平底鞋，仲戴埋金錶，十足十村姑。
黃子桐（Rachel）遲咗15分鐘先到！
【港姐2018】20強名單一覽：
2018港姐競選下月尾舉行，到目前為止已進行了兩輪面試，最後20強已經誕生！
1｜何泳芍 (Honey)
23歲參加者Honey果真人如其名，擁有一身蜜糖健康膚色、笑容甜美，感覺好陽光好有活力，難怪謀殺大量菲林！
Honey透露自己係一名潛水教練，難怪一身健康膚色，身形亦係弗到漏！其社交網站中見到唔少索爆泳衣照，真係好期待佢入到決賽！
2｜陳曉華 (Hera)
中大護理系畢業的陳曉華(Hera)，笑容甚為甜美、身材高佻，靚樣身形好，著咩都靚！前男友仲係藝人狄易達～Hera理所當然地進入最後20強，外界亦視佢為三界大熱！
身高173cm的Hera擁有模特兒身材，同時真係一位兼職模特兒，張張相都美感滿滿，要follow！
3｜楊釩 (Krystal)
20歲大學生楊釩(Krystal)，首輪面試未見其蹤影，所以次輪面試現身時令人眼前一亮！Krystal表示自己來自貴州，來港讀書四年，指自己初時唔識講廣東話，依家已經進步好多！
Krystal樣貌清秀、說話尚算大方得體，身材方面似乎都係有料之人，自然備受注目！不過次輪面試時，其實有記者朋友提佢整理內衣，當唔知Krystal係咪聽唔清楚，所以不加理會！
