《流行都市》加入年輕新力軍 你又認識邊一位？
撰文：東方新地｜圖片：Instagram、電視截圖
《流行都市》換入年輕新力軍
《都市閒情》自1992年就開始於TVB得下午時段播出，足足播咗26年終於要進行改革，近日就改名為《流行都市》繼續播出。雖然有人就覺得此舉係換湯唔換藥，但節目為求吸引年輕觀眾收看，部分新主持人大家就可能冇咁熟識！
皆因雖然有舊主持人有得留低繼續接力改咗名嘅《流行都市》，但組目組亦同時新加入咗幾位年輕新力軍，包括有黃美棋、李寶君、吳天佑等，務求令觀眾帶嚟新鮮感及為節目注入年輕活力！今次就同大家介紹一下啦！
｜李寶君
今年21歲嘅李寶君又名「大孖」，上年同孖生妹妹李寶珊加入TVB出位節目《後生仔傾下偈》後而為觀眾們認識。
雖然大孖平時喺《後》中嘅言論唔及其他主持人咁出位，不過勝在個樣夠哂甜美，係節目中養眼焦點之一。
而且，李寶君原來仲練得一身好舞功，有時會做下舞蹈員，亦曾為不少演唱會表演過，夠哂青春活力！
｜黃美棋
今年29歲嘅黃美棋原為同星出身，由於樣靚身材正，故被網民封為「美棋BB」，深受網民喜愛。
雖然今年美棋BB已經29歲，但勝在個樣夠童顏一加上累積多年演出經驗，相信亦已儲落唔少粉絲！
｜吳天佑
暫時於《流行都市》唯一一位年輕男新力軍吳天佑，上年於TVB第29期藝員訓練班出身。
畢業後，憑住帥氣嘅外表已成功獲得演出機會，先後參演過《愛．回家之開心速遞》、未播新劇《C9特工》及《機場特警》等，相信大家將會有更多機會見到佢嘅出現。
《都市閒情》 傳改名《Big City Shop》
，現時十位主持人有安德尊、宋芝齡、林淑敏、姚嘉妮、章志文、蘇晉霆、劉彩玉、彭慧中、焦浩軒和張景淳，逢星期一至五13:25至14:10在翡翠台播出，每集節目都會邀請不同嘉賓，講解有關時事、健康、烹飪、生活享受、藝術表演等專題，或作名人、藝員、歌手訪問等。
近年無綫力推其多媒體平台「Big Big Channel」，今年又推出新網購平台「Big Big Shop」，睇開無綫嘅觀眾都會發現「Big Big Shop」嘅產品喺不同綜藝節目中都老是常出現，如今有傳有26年歷史嘅《都市閒情》亦要「Big」一「Big」，將會於今年10月改名《Big City Shop》。
無綫電視助理總經理（非戲劇製作）余詠珊就表示：「唔係，我哋們改版啫！其實下午1點至2點呢個時段好多人睇電視嘅，所以我哋想將佢改版，令到節目再摩登啲，同埋可以吸多啲廣告，詳情目前仍在研究中。」
《都市閒情》主持之一嘅姚嘉妮就表示：「公司都未同我哋講，亦冇收到消息話會冇得做。《都市閒情》近年都改變咗唔少，有好多『小鮮肉』加入，愈來愈後生。我都支持改革，最緊要大家都有工開！」
另一主持宋芝齡亦說：「我都係啱啱睇到報道，未知公司有啲咩方向，但節目都係如常拍攝，同平時一樣，我照舊負責星期一、三嘅節目。」
29歲彭慧中在一眾主持中屬年輕一輩，自2015年加入《都市閑情》，在節目常著短裙晒長腿，被譽為「都市閒情女神」，對於《都市閒情》面臨改革，佢話：「真係睇到網上啲報道先知，我都係等通知，希望繼續有工開！呢個節目真係好深入民心，但如果公司真係有新嘅安排，都係為節目做到最好。」
網民都大嘆《都市閒情》竟然都有大結局，此外「大小姐」林淑敏同靚媽姚嘉妮都係網民心目中嘅女神，大家都擔心佢哋同彭慧中冇得留低。
通訊事務管理局今年7月宣布放寛植入式廣告規管，除新聞、時事、兒童、教育、宗教儀式和其他崇拜節目外，只要在節目中展示或使用產品或服務時，顧及節目的內容和類別，以自然和不突兀的手法表達，且沒有直接推銷或建議使用相關產品或服務時，即不屬違規。《都市閒情》中嘅「今晚食乜餸」環節長青多年，粉絲無數，hard sell廚具有得諗。
《都巿閒情》中最受歡迎的長青環節為「今晚食乜餸」，此外仲有「都市焦點」、「健康解碼」等，有傳改名《Big City Shop》後，節目會繼續由《都巿閒情》現時監製趙麗平繼續負責監製，但一眾主持人就未知有冇得留低。
《都巿閒情》陪住不少香港人長大，安德尊（大王）多年來除咗係《都市閑情》台柱，仲一直係無綫團拜御用財神，深受師奶支持。
「大王」安德尊同「TVB廚神」李錦聯自09年喺《都市閑情》主持「今晚食乜餸」開始就火藥味勁濃，雙方一度傳在錄影廠動粗，直到前年李錦聯離巢無綫，之後兩人未有再合作。
章志文亦主持《都市閒情》多年，係節目嘅固定班底。
