《法證先鋒6》黃宗澤唔識蔣祖曼係「國際名模」橋段抄足呢套韓劇?
廣告
獲封不老傳說的黃宗澤(Bosco),昨晚在《法證先鋒VI:倖存者的救贖》中又喊又笑兼Mean精上身大晒全方位演技。劇情講述國際名模娜娜(蔣祖曼飾)做了余星柏(黃宗澤飾)鄰居,極度自戀的娜娜,不但與星柏同𨋢時「睥睥貢」,當她在露台看到星柏拿著天文望遠鏡觀星時,又因懷疑對方偷拍自己,再著經理人可樂(孟希璘飾)出面與星柏講數。
蔣祖曼演國際名模 被黃宗澤「睥睥貢」
該兩幕戲,Bosco單靠眼神已表達了「莫名其妙」、「反眼」及「冇你咁好氣」等不同情緒,而且全程喜感十足,當中邊眨眼、邊發問:「我影緊邊位,同埋邊位冇私隱」以及「我哋影緊彗星,唔係巨星」兩句,更是相當抵死。
另外,尋找失蹤妻子寶英(王敏奕飾)接近一年的星柏,與寶英弟弟寶樂(馮皓揚飾)一邊觀星、一邊聽寶樂細述寶英對天台的興趣及知識時,因再度有感自己對寶英認識嚴重不足,雙眼不其然流下自責的淚水,完全徹底感受到星柏的心痛及難過。對於Bosco在短短一集大晒極致好演技,網民留言大讚:「黃宗澤演技返晒嚟。」
橋段抄足《來自星星的你》?
不過有網友睇完昨日一集,發現黃宗澤同蔣祖曼嘅電梯橋段似曾相識,網友指出似足2013 年大熱韓劇《來自星星的你》,內容敘述大牌女明星千頌伊(全智賢飾)愛上已經在地球生活400年的外星人都敏俊(金秀賢飾)的故事。其中一幕全智賢誤以為金秀賢係追星跟蹤狂,其實作為外星人嘅金秀賢唔識呢位女明星,事後才知對方係住戶,非常尷尬!
網民不禁指出畫面、構圖、造型、場景幾乎一樣,只是「男主角由外星人變法證」「女主角長髮變短髮 」「劇情好似來自星星的你咁」
![法證先鋒6 其中一幕全智賢誤以為金秀賢係追星跟蹤狂,其實作為外星人嘅金秀賢唔識呢位女明星,事後才知對方係住戶,非常尷尬!(圖片來源:TVB)](https://imgs.orientalsunday.hk/wp-content/uploads/2024/08/-2024-08-14-3.48.09_106192415166bc61451678b.png)
同一集「天文望遠鏡變偷窺」的橋段,在《來自星星的你》亦有類似設定,天文望遠鏡係重要道具,於韓劇中男主角金秀賢係用重炮天文望遠鏡思念故鄉,黃宗澤就用來思念失蹤老婆王敏奕。
![法證先鋒6 同一集「天文望遠鏡變偷窺」的橋段,在《來自星星的你》亦有類似設定(圖片來源:TVB)](https://imgs.orientalsunday.hk/wp-content/uploads/2024/08/-2024-08-14-5.05.05_195023097366bc7358affcc.png)
圖片來源:TVB