楊思琦39歲首出寫真 童顏＋噴血身材冇得輸！
楊思琦39歲首出寫真
楊思琦於2001年港姐競選中奪冠，入行多年拍攝過多部劇集，現為一女之母，不經不覺便已在2018年踏入40歲！不過「39+1」又有咩好怕？楊思琦赴馬來西亞五日四夜取景拍攝，推出首本個人寫真集《Miss Szeki 2018》，換上差不多20套靚衫，當中不乏小背心、泳衣、睡衣等性感造型！
｜童顏依然 噴血身材依然
楊思琦多年樣貌身材都keep得非常好，34D、24、34身材噴血依然，出名童顏的思琦仲係成個後生女咁，實在令人羨慕！思琦回覆傳媒時表示以前一直想推出寫真，為青春留倩影，不過以前在TVB時未有機會。剛巧有出版社早前搵佢，所以就一拍即合！
｜Sell美感 非賣弄性感
楊思琦又稱今次拍攝過程都頗為辛苦，因為要由朝曬到晚，幸好拍攝效果相當理想，攝影師將自己最靚、最自然的一面呈現出來。思琦同時強調寫真集唔係賣弄性感，而係以美感為主；另外亦有文字配合，跟讀者分享自己在不同階段的成長及內心世界。
｜收益捐給慈善機構
楊思琦今次寫真集賣到幾多本唔係最重要，最主要係完成到一件自己多年來想做的事，而且寫真集扣除成本後的收益將會捐給慈善機構，可謂一舉兩得！
