楊受成博士帶領英皇集團旗下藝人撐band騷 謝霆鋒：

楊受成博士帶領英皇集團旗下藝人撐BAND騷 謝霆鋒：要支持下 Rock 友

最新娛聞
東方新地

廣告

早前英皇娛樂於麥花臣舉行《起勢夾BAND COMBAT 總決賽》，一共有十隊樂隊入圍總決賽，一輪精彩表演後，最後冠軍由驚愕花奪得，亞軍：爽快貓Cool Cool Cat，季軍：Daze in white，各得獎者除了獲得現金奬及價值五萬大元的獎座之外，更可獲代表香港前往參加台灣「浮現祭」，日本「Tokyo calling」2024年的音樂節，作為表演嘉賓。
楊受成博士帶領英皇集團旗下藝人撐band騷 謝霆鋒： 英皇集團主席楊受成博士與旗下藝人出席《起勢夾BAND COMBAT 總決賽》。
英皇集團主席楊受成博士與旗下藝人出席《起勢夾BAND COMBAT 總決賽》。（圖片來源：大會提供）

身為本地樂隊龍頭大佬之一的Supper Moment 主音 Sunny , 鼓手阿達亦有到場支持，由頭睇到尾，而加入樂壇時已經注滿Rock血的謝霆鋒亦有出席，全晚坐老闆楊受成博士身邊睇騷，支持香港新一代band友。

楊受成博士帶領英皇集團旗下藝人撐band騷 謝霆鋒： 楊受成博士同謝霆鋒睇得十分開心。
楊受成博士同謝霆鋒睇得十分開心。（圖片來源：大會提供）

謝霆鋒支持Rock友 透露開演唱會要等下先

霆鋒看騷前表示，非常期待看這次比賽，因為他覺得香港是需要有人支持樂隊的發展，覺得公司今次搞這個騷，非常有誠意及有心，「hip hop 威左咁耐，係時侯要支持下 Rock 友。」問到他會不會心癢癢，這麼久沒上舞台彈結他，會不會楊生想他看完騷，引他開個人演唱會？歌迷期待到頸都長，霆鋒笑答，「唔開住啦…哈哈，專心拍戲呀，心上重有幾部戲未完成，依家同華哥個部都要拍到一月中啦。( 叫埋馮德倫一齊出來夾下 band啦？)哈哈，我地已經係叔父輩，有機會睇時間啦。」今日阿SA生日，問到霆鋒知唔知？霆鋒話，「下？係咩？生日快樂呀！我從來都唔記生日嘅…哈哈。」問到他會不會有時間放聖誕假？可以陪下女友？霆鋒就笑道，「 專心拍戲先啦…依家我邊度都去唔到…..」然後俾左個無寧兩可的笑容作結。

楊受成博士帶領英皇集團旗下藝人撐band騷 謝霆鋒：
（圖片來源：大會提供）

陳家樂有一個樂隊夢：希望重出江湖

此外，昨晚一班英皇藝人亦有到場支持這個比賽，繼有Gin Lee、陳家樂、 鄧小巧 、泳兒、Dark Wong、Elly、許靖韻、Suey、 朱天、Kenneth 、Andy 、Polly、Jeana 等等均有到場支持，陳家樂表示，他一直也有一個樂隊夢，當知道有這比賽時，主動問公司想參加，「夾band係我兒時夢想呀，十幾年無玩，但公司話我可以參加，我咪即搵以前夾Band的朋友，希望重出江湖，可惜朋友唔理我，唯有臨時拉夫組了一隊新Band，我係結他手，唔係主音。可惜最後第二回合結束後就已經輸了，未能晉級。我重記得第二回合要上台表演，當日8號風球，以為會取消但如常舉行，結果非常緊張又好驚，最後輸咗，而大家事後給我的評語是好似一碌木，不過我團火未熄，會繼續練㗎。（Twins之後開演唱會，會自薦上台彈結他？）唔會，但有其他準備，大家到時留意啦。」

楊受成博士帶領英皇集團旗下藝人撐band騷 謝霆鋒：
（圖片來源：大會提供）

李幸倪希望紅館演唱會表演打鼓

Gin Lee李幸倪則表示16歲就與家人夾Band，擔任主音到不同地方表演，擁有夾Band的7年經驗，亦因此對日後成為歌手很有幫助，「大家記唔記得，2018年我係紅館開騷時，我呢隊家庭Band就在台上演出過，個次真係非常難忘，我希望將來有機會一家人出歌，我爸爸打鼓好型㗎，我有時間都想跟佢學習，或者下次再開紅館開演唱會，我就表演打鼓。」

楊受成博士帶領英皇集團旗下藝人撐band騷 謝霆鋒：
（圖片來源：大會提供）

撰文：東方新地圖片來源：大會提供

熱門文章