林家謙洗甩「喃嘸佬」唱功 爆青筋與MC張天賦合唱《小心地滑》獲網民大讚
廣告
唱作歌手林家謙以獨特唱功俘虜一班歌迷，不過其「喃嘸佬」唱功亦唔係個個網民都接受到。近日，林家謙向難度挑戰，以獨特歌聲演繹MC張天賦的《小心地滑》，同MC合唱亦一啲都唔輸蝕，今次竟被一致認同唱功勁！
林家謙挑戰《小心地滑》成熱話
林家謙和MC張天賦在《AIA MDRT WITH HIM 狂熱音樂祭》演出，林家謙先打頭陣，今次被指唔再用「喃嘸式」獻唱，期後更選擇演唱《小心地滑》，在唱的時候並沒有用MC張天賦的爆炸式唱功，每到高音便以假音轉換，其後張天賦出場，各自有不同的方式，但出奇的合拍！而林家謙演繹《小心地滑》引起網上激烈討論。
網民：似文弱書生鬧人，好有新鮮感！
林家謙獲大部分網民力撐，指其唱法有驚喜，非以張天賦的力竭聲嘶唱法，別有一番味道，「佢條青筋就快爆開」、「無炒車喎，唱得幾好喎」，不過亦有人表示：「MC係大大力控訴，林家謙係氣若柔絲咁去鬧人，唔同風格」、「好似古代啲書生鬧人，鬧極都係陰聲細氣，但又好夾首歌」、「個段霸氣全失，變咗念經咒人」。
網民大讚林家謙好唱得！
亦有不少網民驚喜發現原來林家謙好唱得，「聽完佢唱《小心地滑》先知原來佢咁唱得」、「我覺得唱得好過原唱，MC唱得太激動，聽得好辛苦，反而家謙呢種聽得舒服啲」、「我覺得佢同MC打和super」、「唔知係咪聽得太多原唱，反而覺得林家謙唱得幾有新鮮感」、「原來佢唱到，點解唱自己啲歌要喃嘸呢？」、「聽完佢今次，覺得佢真係一個好勁嘅歌手」。
