360度無死角最靚花旦|李佳芯 同邊個男星拍劇唔過電?
廣告
同人唔同命,點解有啲藝人蒲親頭都畀人話發電機、拍親劇都會同對手戲男星傳出緋聞?有啲藝人就硬係緋聞絕緣體,攬頭攬頸好好傾最多都係畀人話好人緣呢?只能夠話相由心生、觀眾的眼光是雪亮的,其他人真係唔恨得咁多!講緊嘅咪係一齊合作拍《BB來了》嘅李佳芯同黎諾懿!
撰文:東方新地|圖片:新傳媒圖片庫、李佳芯IG
李佳芯 做黎諾懿老婆
李佳芯同黎諾懿喺《BB來了》中扮兩公婆、場場都係對手戲,朝見口晚見面,唔使埋位時企埋一邊雞啄唔斷不知幾啱嘴型!換著第二個一早傳出緋聞,不過呢兩個就入行咁多年都係緋聞絕緣體,當日李佳芯對ViuTV主持男友陳炳銓一條心、黎諾懿就咁多年眼中只得老婆李潔瑩、舊年仲生咗個寶貝仔「小春雞」㖭,專一形象深入民心。「緋聞?咩嚟架?」呢句說話佢兩位一定最有感受!
完成副學士學位後,Ali就因做模特兒而入行,做過有線節目主持,於2012年加入TVB,近年憑《學是學非》入屋,再加上喺唔同劇集有亮眼表現,現已係新一代女神!
李佳芯真係做過秘書:要恃靚行兇!
李佳芯早年做狐狸精上位,而早前喺劇集《波士早晨》入面飾演女秘書又入型入格,無他嘅!因為佢真係打過秘書呢份工,有晒經驗咁話喎,佢就話俾大家聽做秘書其實好簡單,都唔使做啲咩,最緊要係「恃靚行兇」!即係點呀?
李佳芯 三年前索到爆
無綫劇《波士早晨》入面一班女秘書當道,係咁多女仔當中,李佳芯 (Ali)無疑係最sharp醒的一個,雖然套劇已經係三年前拍,但其實依家的Ali外表完全無變,35歲都算keep得非常好!
![李佳芯 李佳芯紅色外套喜慶洋洋。](https://imgs.orientalsunday.hk/wp-content/uploads/2018/02/nhv4dxh3MJN7gxp/tungstar6056397_5851694485a93a0de4207c-1024x683.jpg)
圖片來源:新傳媒圖片庫、李佳芯IG