曾華倩囝囝代表港隊出賽 19歲Martin仲高過袁文傑
廣告
現年51歲的曾華倩近年較少現身幕前，只係主持亞視《今晚夜》節目，減少工作，全因佢做要照顧寶貝仔林浩賢（Martin），日前曾華倩喺社交平台大晒同鄭浩南、袁文傑同吳家樂機場及機上的合照，相中仲見到華倩19歲大嘅囝囝Martin似乎仲高過6呎2嘅袁文傑，而且青靚白淨幾俊俏㗎！
凍齡拍檔
52歲曾華倩同53歲嘅鄭浩南，其實曾經喺91年合作拍過劇集《夢裡伊人》，同劇嘅仲羅嘉良同李婉華，呢日見佢哋嘅合照就見二人好似食咗防腐劑咁，冇乜變樣。
曾華倩喺機場除咗撞見鄭浩南，仲撞到袁文傑同吳家樂兩位好友，華倩留言：「他們出發去國內拍攝TVB古裝電視劇。真有緣呢！」相中仲見到華倩個囝囝Martin，唔講唔知，Martin其實係香港泳隊，呢日佢就代表港隊出發去吉隆坡參加「第61屆馬來西亞公開游泳錦標賽」，真叻仔呀！
女星曾華倩2002年離婚後，全力照顧兒子林浩賢（Martin），兒子測驗、考試她都陪伴溫習，每天清晨5時更不辭勞苦接載Martin往練水，兒子參加游泳比賽亦定必出席。Martin在泳壇獲取佳績，被譽為「喇沙飛魚」。
單親媽媽不易做，離婚後華倩全副心機培育兒子，Martin兒時送咗張卡畀佢，上面寫上「I LOVE YOU」，華倩收到後忍唔住影相同大家分享仲話開心可以好簡單，睇得華倩真係甜到入心！
睇番華倩真係一個廿四孝媽媽，Martin喺香港訓練或者比賽，華倩都例必到場打氣，就連到外地比賽都一齊去，以行動去支持兒子。
延伸閱讀：
趙希洛「御用癲婆」係隱形女筍盤 父經營石油生意
關鍵詞
曾華倩
