曾比特拉直爆炸頭相再被翻出 盤點5大造型 睇晒大、中、小爆！

曾比特拉直頭髮影片再被翻出

曾比特Mike以標誌性爆炸頭出道，早前參加真人騷《披荊斬棘2》更令佢喺內地人氣急升，長搵長有！近日Mike參加《披荊斬棘2》時拉直髮造型突然再被網民翻出熱討。當時Mike突然想試吓拉直頭髮就叫髮型師幫佢夾直個爆炸頭，仲整咗個「空氣瀏海」，其間mike自己都覺得個髮型好奇怪、好好笑，感覺好有古代感。對於Mike的「直髮造型」唔少網民都表示似乎真係爆炸頭係最啱佢「佢髮線高」「好似禿頭火雲邪神」「原形畢露」「打回原形」「真係好似高志森」「好似啲清朝人啱啱剪辮咁」「都係爆炸頂好睇啲，遮住面再加令人focus係個爆炸頭，無咁易focus個樣」「邊個諗到將佢變爆炸頭真係好勁」「曾老師都係爆炸頭好啲」

盤點曾比特5大髮型造型

1.《全民造星2》參賽時造型

曾比特Mike未出道時參加《全民造星2》時並唔係爆炸頭，唔少網民睇返覺得簡直好似2個人咁！

曾比特︳2. 細爆炸頭

雖然曾比特Mike參加《全民造星2》一開始時並唔係爆炸頭，但去到總決賽時爆炸頭已開始現形！

曾比特︳3.中爆炸頭

曾比特Mike現時最新造型係「中爆炸頭」，比以往的爆炸頭細！曾比特經常參與內地節目，現時正參與緊《我們的歌》，與多個勁人歌手合唱，如庾澄慶合唱《情非得已》、台灣歌手ALin合唱《記得》等。

曾比特︳4. 大爆炸頭

曾比特曾經最大爆炸頭時，整張臉都差唔多要被炸爆頭遮蓋！

曾比特︳5. 復古AI髮型造型

曾比特早前有玩最近好興的ai復古造型，當中有唔少髮型造型，都好似幾適合曾老師！