方力申20年好友爆粗為兄弟出頭 難忍「不斷被抹黑」 :讚美遲左廿年
方力申20年好友發文力撐兄弟
日前,一位聲稱為方力申認識了20年的大學同學,在社交平台嬲爆發長文力撐好兄弟,他指方力申一直以來都是很有正義感和專一,只是20年來一直被人抹黑。他又指方力申一直辛苦經營泳會並不是為賺錢,方力申雖然辛苦,但都堅持親身落水教課,全為教導小朋友:
大學同學解釋,講呢樣野唔係因為要流量或者想攞佢光環,而係因為真係好嬲,他公開大讚方力申有正義感而且專一,激動為他抱不平:
「只係呢廿年不斷俾人抹黑。作為兄弟,冇理由唔趁哩個時候大聲講:你老X,呢兩日對佢嘅讚美係遲左廿年啦!佢一直辛苦經營泳會唔係為賺錢,麻煩你地去報名報爆佢啦!(並非廣告,真係教得好)」
公開方力申開泳校辛酸:好難揾到泳池租俾佢用
其後,大學同學更問准方力申可否再爆料,於是再開新post道出方力申開泳校辛酸:
「幾年前佢同我講開swimming school,我心諗:方力申教游水,點會唔發達?實情係一,邊有咁X容易。」
泳池租用亦成一大困難:「聽佢講,就算有學生,都好難揾到泳池租俾佢用,無池教條毛咩。事關好多池多數俾其他泳會(霸)租哂。所以佢開左幾年都係主要係兩間學校教。。。仲要中間捱過covid堅持用full time coach教,復常後成日親身落水,上晏九龍下晏香港,濕完再乾乾完再濕(同S2O一樣)咁辛苦為咩,就係要教細路lor,所以話今次有學生游得好無得比賽,佢㷫到爆seed係好X正常」
![方力申 一位聲稱為方力申認識了20年的大學同學為佢平反(圖片來源:方力申IG)](https://imgs.orientalsunday.hk/wp-content/uploads/2024/07/alexfongliksun_1709503020_3315874122116790028_74630_353037871668e41abd89d1.jpg)
網民認同方力申真心為泳會:呢一次對佢改觀
網民認為該好友帖文沒有誇大成份,認同方力申真心為泳會:「真心信佢游水依方面好有heart respect」、「自從2023 聖誕節讀左由方力申親自教授既游泳姿勢改善班後,對方力申完全改觀! 因為課程價錢非常實惠,我本身以為上完堂就無。點知每個家長都會收到方力申錄音清晰講解小朋友可以點改善姿勢。真心佩服,感謝佢同小朋友既用心教導」、「方力申份人係有修養有禮貌,又真又直!」等。
![方力申 (圖片來源:IG@alexfongliksun)](https://imgs.orientalsunday.hk/wp-content/uploads/2024/07/image-9335670_1319846777668e382f31ec9.jpg)
方力申開泳校親自落水教課
港隊出身的方力申在6年前決定重回泳界,籌辦一間游泳學校。身邊的朋友包括教練團隊都質疑方力申只是三分鐘熱度:「方力申,你都唔係做呢行,你會唔會3分鐘熱度咋,淨係賣名做個代言人就算,唔好玩啦」。對著一連串艱難,小方希望逐一擊破。除了親身落水教慢慢贏回口碑,心理上和實際上都已有守業的打算,預計首兩年都會出現虧損,單是首幾個月估計蝕十多萬元。
小方話他去到泳池並不只是到一到場,他更會落水教游,甚至乎潛到水底教。他說:「坊間有好多教游水教練並不會落水,只會在池邊觀察。而我教水會潛到水底觀察學生,在池邊睇根本看不清楚學生是用甚麼手勢、開掌、合掌,到底姿勢正不正確,但在水底便看一清二楚。」
方力申曾自爆創業生意蝕入肉:每月虧損多達20萬
2年前《財經透視》一集以探討現役和退役運動員的前路為主題,訪問了前香港游泳代表的方力申,期間提及他在2018年和朋友合資開辦游泳學校,但學校開辦不久就遇上疫情,現時不但還未能收支平衡,而且每月虧損多達20萬!
![方力申 方力申開辦游泳學校超過3年,單單3年有36月,每月蝕20萬計算,即是方力蝕了超過7百萬﹗(圖片來源:《財經透視》截圖)](https://imgs.orientalsunday.hk/wp-content/uploads/2022/03/02_337030335622346493e1d0-1024x1019.jpg)
方力申以為明星效應有利做生意
方力申無奈表示原以為自己是藝人又是退役游泳運動員,開辦游泳學校應該能一帆風順,奈何真正做生意時,合作的單位機構和學校等,都只著眼於公司的營運紀錄,而非個人的履歷,所以方力申在創業初期,尋找合作的夥伴已是一大困難,即使到現在他的游泳學校已經營了3年多,但仍只得兩個游泳場地,他總結說:「所以要在市場上佔一席位,真係要花好長時間,先至可以慢慢儲到口碑,同得到其他人嘅信任。」
![方力申 小方無奈表示他創業做生意的結果不似預期。(圖片來源:《財經透視》截圖)](https://imgs.orientalsunday.hk/wp-content/uploads/2022/03/01_2068471541622346598275c-1024x834.jpg)
方力申接受訪問遇上主播粉絲
此外,有網民留意到今次訪問方力申的無綫財經組記者何佩珊,在這約3分鐘的訪問片段中,全程含情脈脈地望著方力申,猜測她是方力申的隱藏小粉絲﹗原來何佩珊是主播界新鮮人,去年正式加入新聞界,做過三個月有線新聞財經主播,其後過檔無綫,現成為無綫財經組記者。
![方力申 何佩珊被網民指在訪問方力申時,全程含情脈脈地望著對方,激似小粉絲。(圖片來源:《財經透視》截圖)](https://imgs.orientalsunday.hk/wp-content/uploads/2022/03/06_11372293336223465016149-1024x810.jpg)
方力申向政府借錢「吊命」
2020年6月方力申曾在訪問中透露因為疫情關係,游水學校已停業半年,他指雖然停課,但仍有一定的營運支出,所以已向政府申請資助,方力申話:「向政府借幾十萬周轉,吊住命先﹗(損失是否很慘重?)唉﹗總之入肉㗎啦﹗希望可以快啲復課啦﹗」說時相當無奈﹗
方力申與女友Maple Yip感情發展迅速?
方力申日前在出席活動時,公開回應自己與邪教性侵受害者Maple Yip的緋聞,不但大方承認戀情,更提及雙方家長⋯⋯詳情請看
方力申女友Maple Yip為何加入了邪教?
Maple Yip曾經在2022年3月現身南韓一個反邪教組織舉行記招,當中她提到於2011年時自己還是高中生,因感覺生活空虛,在銅鑼灣被攝理教教徒⋯⋯詳情請看