接檔《蘭花刼》《 賭城群英會 》周一首播
《 賭城群英會 》預告片扮電影
近日TVB開始發力谷劇，不斷播出《 賭城群英會 》宣傳片，有唔少觀眾睇完都以為係電影trailer！因為片段出現上下黑邊，對白配上中英文字幕，仲加埋《賭神》經典配樂… 電視劇預告片扮到電影咁，大台終於有新意！
四哥出山做賭神
請得四哥出山，令觀眾回想起1980年的經典賭劇《千王之王》，已經30年冇拍無綫劇的四哥乃全片關鍵，故事中佢飾演賭神向無名，多年前協助師兄胡楓在賭枱上勝過高手劉兆銘，先發展出下一代的恩怨情仇。
叻哥突變情聖
叻哥同陳法蓉呢個組合已經多年冇出現過，對新一代的觀眾來說夠晒新鮮，今次佢哋除了係同門師兄妹，亦都係一對舊情人。另外叻哥今次難得放下牙擦形象，突變情聖，默默為心上人付出，觀眾真係需要時間適應一下。
演員陣容強勁
《 賭城群英會 》為阿佘在無綫的告別作，佢將與馬明展開恩怨纏綿的感情戲，又齊齊獲四哥指點老千術，成為賭神接班人！
除了老前輩叻哥及陳法蓉，劇集仲有首次拍劇的「鴨王」何浩文，以及「十優港姐」麥明詩，兩人有唔少對手戲。
最後一位新面孔就係身材火辣、拍過《鴨王2》的「晶女郎」文凱玲，同阿佘高Ling飾演三師姐妹，不過喺劇中未有強調身材，反而係一個電腦宅女，仲會同黃浩然有感情線。
第一集劇情(06/19)
千門門生OK仔（馬國明飾）為了哄口水泉（余子明飾）說出當年賭魔屠城大戰無名的事蹟，不惜以忍字門的寶玉跟士多老闆娘對賭以贏得美酒。OK仔的同門師弟瀟灑哥（何浩文飾 ）擔任健身教練，OK仔的另外一位師弟吹水文（黃浩然飾）則自組公司提供小型貨車運輸服務。師父是旦哥（陳百祥飾）突然要求三徒弟速回集合，豈料OK仔為了聽口水泉講述當年大戰而遲到。當年被稱為「賭魔」的屠城（劉兆銘飾）挑戰天下第一人稱賭中君子的胡三成（胡楓飾）；胡三成服輸欲離場之際卻被屠城要脅再賭，這時無名（謝賢飾）現身表示要跟屠城對賭。當OK仔離開趕去見師父時，施小東（佘詩曼飾）抱着一尊觀音像向口水泉討價還價。小東拿觀音像前往馬王鍾叔（郭 峰飾）之家，因為神算子（黎彼得）告訴鍾叔將有大劫所以不敢出門。小東跟她的同門師妹黃小南（文凱玲飾）及程小北（高海寧飾）會合；小東聯同二人前往找神算子，更認定神算子為神棍。
