戀上西沙｜炎明熹久違拍劇勁緊張 Ready拍拖但最緊要XX夠好

戀上西沙｜炎明熹大爆與李爾晨有感情線

炎明熹大爆在《戀上西沙》中，與李爾晨將會有一段曖昧的關係：「有少少浪漫，因為我未試過，所以都有啲緊張」。炎明熹仲透露：「會掂手仔，不過就梗係冇咀嘴，因為每個人嘅戀愛都唔一樣」。炎明熹表示自己心目中的愛情是平淡就是福：「過平淡嘅日子都可以好開心，唔一定要大起大跌或者製造驚喜，感受到對方嘅愛意就夠」。

戀上西沙炎明熹炎明熹大爆在劇中會與李爾晨有感情線。 — 炎明熹大爆在劇中會與李爾晨有感情線。（圖片來源：大會提供）

戀上西沙炎明熹今年18歲的炎明熹演出經驗不多，對上一次已經是2021年的《青春本我》。 — 今年18歲的炎明熹演出經驗不多，對上一次已經是2021年的《青春本我》。（圖片來源：IG@yiminghay）

李爾晨入行8年首次擔正做男主角

現年31歲的李爾晨2016年參加了國際先生，是香港代表，期後於2019年底加盟邵氏兄弟，2020年加盟無綫電視。他有不少拍攝經驗，在ViuTV劇集《男排女將》、《娛樂風雲》等有演出，加入無綫電視的他雖然戲份不多，但在早前的劇集《羅密歐與祝英台》、《隱形戰隊》、《超能使者》等也能看到他的演出，這次是李爾晨首次擔正做男主角。

戀上西沙炎明熹今年31歲的李爾晨有不少演出經驗，不過就未試過擔正嚟做。 — 今年31歲的李爾晨有不少演出經驗，不過就未試過擔正嚟做。（圖片來源：IG@kyleleeyisun）

戀上西沙｜炎明熹想專注學業 Ready拍拖但唔急

今年剛升讀大學的炎明熹，除了被關心能否在平衡忙碌的學業和事業外，大家對於炎明熹18歲後的感情生活亦十分好奇！而炎明熹則自爆在大學冇人追，坦言目前係等待天賜良緣中，同埋目前都想先專注在學業上：「暫時Focus喺學業上，見同學嘅機會唔多，而且分組上都係嗰班同學，同埋呢科都係女仔多」。對於戀愛持隨遇而安的心態，不過就會keeo住期待：「一直等機會天降個命中注定嘅人」。

戀上西沙炎明熹炎明熹自爆在學校冇人追，不過自己對於感情事都係保持順其自然的心態。 — 炎明熹自爆在學校冇人追，不過自己對於感情事都係保持順其自然的心態。（圖片來源：TVB娛樂新聞台）

戀上西沙｜炎明熹擇偶要求好簡單最緊要呢樣夠好

炎明熹仲透露自己唔係一個主動嘅人，就算遇到心儀嘅對象都唔會主動出擊，不過都擔心會因此錯過機會：「就算有人主動追求，都會觀察對方耐啲，先可以進行一段關係。」，又稱相信時間證明一切，排頭亦會先給家人過目。而講到自己的擇偶要求時，炎明熹則表示唔在意男仔嘅類型，最緊要係性格夠好。歌喉了得嘅炎明熹亦稱唔要求另一半識唱歌，但係就幻想過男仔彈結他唱歌的樣子，不過一切都等上天安排。