慈善星輝仁濟夜2024｜盤點5大跌Watt位 卡士超薄弱 詹天文鍾柔美表演大炒車

盤點《慈善星輝仁濟夜2024》5大跌watt位 ：

重點 1｜翻炒「芊芊蔓蔓」姐妹檔演舞台劇

今晚《慈善星輝仁濟夜2024》首個環節就有郭柏姸和羅毓儀，與視帝譚俊彥、龔慈恩一起演舞台劇。雖然二人出場不足5分鐘，其中「蔓蔓」羅毓儀就以學生Look登場。雖然獲網民大讚又靚又清純，不過網民都紛紛話隔咗兩年又用返前年台慶劇《下流上車族》「芊芊蔓蔓」姐妹檔（喺《大灣區美味好玩攻略》已經出過一次)，覺得太無新鮮感。

重點 2｜After Class再縮水 詹天文、鍾柔美演唱炒車

「聲夢小花」After Class去年雖然三缺一，但都仲有Chantel姚焯菲、Windy詹天文、Yumi鍾柔美一起合唱。不過今年Chantel就只負責拍片，今晚籌款節目表演就只派出Windy同Yumi兩人合唱張敬軒的《隱形遊樂場》。雖然呢首歌出名難唱，但兩位小花的表現實在太強差人意、瘋狂走音，網民都紛紛留言指：「windy次次都走， 真係要落多啲功夫」、「唔得就唔好揾首咁難歌唱」、「炒車遊樂場」等。

重點 3｜多位重量級巨星拍片當做嘉賓

在《慈善星輝仁濟夜2024》播出，只能看到三位巨星許冠傑、郭富城同林家棟都只以拍片形式登場，不少網民都表示非常失望。

重點4｜去年有Ali、胡定欣開金口獻唱 今年只得關心妍

去年尚未被TVB完全雪藏的Ali李佳芯，都有份現身《慈善星輝仁濟夜》獻唱《一雙手》，雖然被網民笑係「魔音」，但至少節目都仲有啲睇頭。去年除了有Ali之外，亦有胡定欣開金口獻唱《一步一生》，不過今年女星方面就只得關心妍獻唱，卡士陣容的確比去年遜色。

重點5｜卡士無新意譚俊彥、曾比特同聲夢小花唱歌冧庄

除了卡士陣容薄弱之外，網民又指年年出席《慈善星輝仁濟夜》都係嗰幾個人，其中譚俊彥前年唱完，今年又唱；而去年壓軸表演的曾比特，今年都係壓軸表演嘉賓，網民都話睇到好悶啊！

同場加映：游嘉欣獲讚為全場唯一吸睛位

雖然今晚成個節目都好悶，但網民都大讚第一次擔任直播籌款節目的游嘉欣夠淡定。「A0女神」游嘉欣獻出第一次，拍住最佳男主持周奕瑋上陣，雖然仍然有進步空間，都至少淡定冇食螺絲，表現都尚算合格。除此之外，網民仲大讚游嘉欣服裝夠吸睛，盡顯傲人上圍，獲讚為全場唯一吸睛位！