撰文：Juksy、東方新地 ｜ 圖片：Juksy、節目截圖、WEIBO

本文由《JUKSY 街星》授權提供，未經同意禁止轉載。文章及圖片皆轉載自友好媒體，如有任何問題，請即與本刊聯絡。

《延禧攻略》在香港勁收得，戲中演員個個人氣爆升，這次來到香港當然唔也極受注目！

《延禧攻略》在香港創下極高的收視率，富察皇后與主要演員近日受邀赴港宣傳，富察皇后一到了香港就和好友古巨基等人一同歡聚，展現出私下可愛的一面。

修長筆直美腿超索！

節目上，富察皇后、瓔珞、嫻妃、爾晴眾美女均穿著黑灰色系服裝，一字排開時，修長筆直的美腿相當吸睛！節目中美麗的皇后以她一貫優雅時髦的風格，小露香肩，登台時仙氣繚繞，但在幫忙做菜時卻意外地十分性感。

當天美麗的皇后穿著，絕對襯得起她的「身分」，她所穿著的裙子是來自義大利奢華品牌Versace，一身黑色露肩洋裝，讓她更具仙氣！

Versace這件黑色露肩洋裝：此款為 2018 秋季 Ready-to-Wear 系列其中一個款，性感得來又有型！

皇后長腿照晒冷！

只要把握好頭髮的捲度，你也可以擁有那種成熟溫柔的氣質。

明玉私下超清新，文青look仲靚女！

長髮又有另一種味道！

當然不少得主角瓔珞，也是樣靚又很slim的女生！

本地代表，就似吃了防腐劑的阿佘也是超強！樣子和身材都keep得好！

爾晴戲外更清純，是很有氣質的美女。

相關新聞：

《延禧》7位靚女演員新作一覽

轉眼間，《延禧攻略》就即將曲終人散播出大結局，相信唔少人都會好唔捨得，同時亦好想知劇中演員會何去何從！有見及此，今次就一齊睇下劇中一班靚女演員嘅最新作品係咩，等大家之後可以繼續煲劇！

《延禧攻略》播出後紅遍兩岸三地，劇集高潮迭起，睇得一眾觀眾們非常投入。不過，劇集始終都要曲終人散，香港明晚就會播出大結局，相信唔少劇迷都好唔捨得！因此，今次就同大家預覽劇中一班靚女演員嘅最新作品及動向，等大家可以繼續煲各演員嘅新劇！

｜佘詩曼

劇中唯一一位大家熟識嘅香港演員佘詩曼離開大台後，就成功已經打入內地市場，今次嫻妃一角阿佘嘅演技大獲觀眾激讚，更令佢於內地人氣再度上升！

阿佘於劇中利用自己善良嘅外表欺騙所有人，一舉一動更盡現著攝人嘅強大氣場！

阿佘演技多元化，而近年亦主力拍攝電影作品，除咗喺《黃金兄弟》特別演出外，嚟梗仲有待上映嘅《西伯利亞風雲》同客串嘅《死亡通知單：暗黑者》，有興趣就入場支持下阿佘啦！

｜秦嵐

《延》中嘅富察皇后受歡迎程度非常之高，大家除咗欣賞秦嵐嘅演技外，同時唔少女士亦都非常羨慕佢嘅白到反光嘅肌膚！

原來秦嵐仲有好多電視劇未播出，包括《外八行》、《填四川》、《萬水千山總是情》及《夜空中最閃亮的星》，大家要耐心等待幾時播出啦！

｜吳謹言

《延》嘅女主角吳謹言因此劇而爆紅，戲裡戲外都風波不斷，成功登上人氣榜首之一！

吳謹言於原班人馬開拍嘅古裝劇《皓鑭傳》中飾演秦始皇的母親趙姬，並會與《延》演乾隆嘅聶遠再次成為虐心CP，故令人相當期待！

除咗《皓鑭傳》，吳謹言今年仲有演出劇集《外灘的鐘聲》、《朝歌》、《十里洋場拾年花》、《你是我的答案》，而電影亦有《無問西東》及《說走就走之不說再見》。

｜譚卓

譚卓於《延》飾嘅高貴妃雖然非常令人乞人憎，不過同時亦證明佢成功演繹出該角嘅性格！

譚卓今年會跟同吳謹言再度合作，於《皓鑭傳》演出華陽夫人一角，值得期待！

｜蘇青

《延禧》中演出爾晴嘅瘋狂惡毒嘅神態，令唔少觀眾邊睇就邊痛鬧呢位毒婦！不過，可以令觀眾睇得投入，相信大家都肯定佢嘅演技！

今年蘇青仲有嘅劇集有《那些年，我們正年輕》、《斗破蒼穹》，同仍未播出嘅《我不是特工》、《天龍八部》等劇集。

｜姜梓新

23歲嘅姜梓新雖然最近就爆出佢嘅同性戀傳聞，但仍無阻大家對佢嘅支持！

姜梓新今年仍有一齣劇集《新笑傲江湖》，飾演小師妹岳靈珊一角。

｜張嘉倪

《延》中被內地網民形容為「最美奸妃」嘅順嬪張嘉倪入行多年，亦已係兩個小朋友嘅媽咪，其拍攝嘅作品亦甚有口碑！

張嘉倪今年就有《溫暖的弦》，而她主演的劇集《頭牌》就有待播出。