《東張西望》「最尷主持」容羨媛爆喊宣佈離巢 重溫7大失言事件!
《東張》「最尷主持」容羨媛爆喊宣佈離巢
昨晚,該節目舉行了一場慶功宴,邀請了眾多節目工作人員參加。在宴會上,TVB總經理曾志偉突然宣布容羨媛將於下周離開,結束她16年的TVB生涯。曾志偉表示:「我知道你下個禮拜就會離開我哋,希望你去到嗰度就會開心,有乜嘢唔開心就再返嚟,我哋大家畀個祝福佢。」
![容羨媛 曾志偉在接受訪問期間提到容羨媛下星期會離開TVB。(圖片來源:TVB)](https://imgs.orientalsunday.hk/wp-content/uploads/2024/07/photo_6136477457109335290_y_60990170266a588abe3fc6-1024x576.jpg)
聽到這番話,容羨媛感動得眼眶泛淚,透露下周二將是她在TVB的最後一天,感謝並了節目的每一位工作人員,她說:「《東張》每個崗位我都做過,多謝每個Writer 、PA一直照顧我,其實我講錯嘢,佢哋都幫我剪走晒!」,此話一出即引起了全場大笑。
![容羨媛 容羨媛在《東張西望》慶功宴上突然宣佈離巢!(圖片來源:TVB》)](https://imgs.orientalsunday.hk/wp-content/uploads/2024/07/tvbusa-1-16-screenshot_48917135266a4d46cce6ca-1024x819.jpg)
容羨媛離巢後發文:突然多咗好多人follow
容羨媛離巢消息傳開後,容羨媛即刻在社交平台發文表達感受,指16年在TVB學到好多東西、認識了很多人,雖然離開TVB感到不捨,但依然要為人生展開新一頁,希望大家能夠祝福自己:
尋晚之後,突然多咗好多人follow, 收到好多朋友同我講唔捨得,收到好多嘅祝福,多謝你哋每一位,大家都問我去邊,等我settle 之後再同大家講❤️
其實喺東張慶功宴上分享我離開TVB ,係因為我真係好想多謝東張台前幕後,13年𥚃面同我共事過嘅每一位!東張每一個崗位我都做過,由初初突發,出街可能淨係見到我支咪,到專題,可以拍多啲Tag, 然後再有娛樂專訪,而家仲可以坐埋廠,一步一步達成夢想,真係好開心!
呢16年喺TVB 識左好多野,好多人,亦令好多人認識左自己,而家要離開當然不捨,但亦希望大家祝福我,展開人生新一頁,一切順利❤️!
唔好講咁多,飲啦🥂
![容羨媛 下星期二先係容羨媛Last Day,但日前主持黃耀英在直播中公開答謝容羨媛並稱呼佢係好拍檔。(圖片來源:IG@d.y.y.w)](https://imgs.orientalsunday.hk/wp-content/uploads/2024/07/photo_6136477457109335293_y_44108365166a588aa0c14e-768x1024.jpg)
網民反應爆笑:太好 終於走
不過網民對於容羨媛終於離巢感到非常開心,認為容羨媛成日講嘢得罪人,早就不喜歡看容羨媛做訪問:「快的走,又吾識訪問,只聽到高音度(好嘈,好煩)」「太好 終於走 唔使見啦」「唔鍾意睇佢做訪問,恭喜早就唔要佢啦!」「終於走,成日講野得罪人」「又嘈,又唔靚,又成日講錯野…….」等。
![容羨媛 網民對於容羨媛終於離巢感到非常高興!(圖片來源:IG@fiyung)](https://imgs.orientalsunday.hk/wp-content/uploads/2024/07/image-1171500_138017044166a589be5b0b8-819x1024.jpg)
20歲做DJ入行 擁碩士學歷
容羨媛自2004年讀大學期間參加DJ比賽,成為香港電台DJ入行,並先後修得香港理工大學建築經濟及管理學(榮譽)理學士,及香港浸會大學的傳理系碩士學位,是圈中少有高學曆的藝人之一。08年容羨媛轉投無綫,在無綫娛樂新聞台擔任節目主持,直至2012年加入《東張西望》,成為節目的廠景兼外景主持,至今已有12年。
![容羨媛 2006年,初入行的容羨媛曾主持香港電台Teen Power《盛莊天下》,當時她的拍檔有港台DJ梁德輝,及現為C君老婆的港台DJ黃天頤(中)。(圖片來源:新傳媒照片庫)](https://imgs.orientalsunday.hk/wp-content/uploads/2023/05/13_2000207910645a10907e638-1024x681.jpg)
自言讀書為令訪問更有深度
容羨媛曾透露自小已鍾意唱歌跳舞,好有表演慾,大學時曾於澳洲墨爾本一個社區電台工作,但因母親堅持,大學時才會選擇讀建築,因此她在大學畢業後,便再報讀浸會大學的傳理系碩士,她說:「我覺得讀得多書令我變得更有見識,做訪問時可以問到更有深度嘅問題。」
![容羨媛 容羨媛曾直言做主持背後亦有不少辛酸:「有時等演員做訪問要等好幾個鍾頭,係好辛苦,但能夠做好一個訪問就係值得。」(圖片來源:IG@fiyung)](https://imgs.orientalsunday.hk/wp-content/uploads/2023/05/04_1106851552645a11243e756-819x1024.jpg)
重溫容羨媛7大失言事件:
1)容羨媛叫鄭則仕「固執廢老」
有網民更翻出早前《神耆小子》主演齊齊為劇集作宣傳時,容羨媛到場訪問一眾演員。當訪問到鄭則仕,容羨媛竟叫他做「固執廢老」,令現場即時dead air,鄭則仕更黑面反問:「邊個係固執廢老?」容羨媛全程站在鄭則仕身後一邊遞咪一邊哈哈大笑,而樊亦敏則在旁邊打圓場,笑言:「我哋好沉默,聽完呢個稱呼之後,大家都唔敢講嘢。」
![容羨媛 被容羨媛稱呼為「固執廢老」,鄭則仕黑面反問,卻引來容羨媛哈哈大笑。(圖片來源:《東張西望》截圖)](https://imgs.orientalsunday.hk/wp-content/uploads/2024/06/06_783180910666290ffd719c.jpg)
而蕭正楠則話支咪指住鄭則仕,「廢老」應是形容他,鄭則仕就趁機反寸容羨媛:「呢支咪個導航收錯料呀!」之後容羨媛引述劇情,鄭則仕又反駁:「你講呢啲我未拍過嘅?」又一度說自己好「兇狠」,似乎被焫起真火。
![容羨媛 鄭則仕反寸容羨媛收錯料。(圖片來源:《東張西望》截圖)](https://imgs.orientalsunday.hk/wp-content/uploads/2024/06/08_21121552096662925e517e7.jpg)
2)採訪垃圾屋婆婆被寸「幼稚」
容羨媛一向少有外出採訪時事題材,早前她難得被派去採訪一間垃圾屋屋主,當她問到屋主婆婆是否解決了噪音問題後,就可以搬回家中居住時,卻被婆婆寸爆她問得太「幼稚」!婆婆表示:
「如果可以嘅話就可以啦!係唔係啊?我覺得你都問得…我唔敢得罪啊,好幼稚!問得好幼稚!可以入去住我入去住啦!我想請問下係邊位請你哋嚟呢?」
3)容羨媛冇做功課 問到高海寧勁尷尬
容羨媛訪問一開波就講:「恭喜各位終於有代表作喇」,恭賀在場的高海寧,何依婷和王敏奕。而第一位受訪的高海寧,只能尷尬表示:「入行15年喇,今次真係確確實實feel到自己真係有代表作,係幾感動嘅一件事」。容羨媛的問題更被網民狠批冇做功課:「高Ling之前套《三十而已》已經好多人識啦」、「呢個主持喺幾個訪問裡面問嘢都好奇怪」、「入行15年喎…有冇諗過點樣問可以避免受訪者咁尷尬?」
![容羨媛 高海寧先係尷尬表示自己入行15年終於有代表作,然後就多謝觀眾鍾意佢嘅角色,仲話超級受寵若驚。(圖片來源:YouTube@東張+)](https://imgs.orientalsunday.hk/wp-content/uploads/2023/12/whatsapp-image-2023-12-12-at-18.16.58-1_969205529657833312f31e.jpeg)
新聞女王|容羨媛直指何依婷「妹仔命」行為失禮
而容羨媛之後訪問何依婷的部分就更「失禮」,她先稱何依婷的角色十分慘,不單至跪地,而且劇中細妹的結局又超悲慘。而何依婷則表示:「仲會有更慘嘅」,容羨媛隨即就問:「你係唔係即係妹仔命啊?」,搞到何依婷呆晒超尷尬,要靠旁邊的高海寧幫口化解。
![容羨媛 容羨媛先表示何依婷的角色十分慘,不單至跪地,而且劇中細妹的結局又超悲慘,然後對住將頭露出一個超驚訝的表情。(圖片來源:YouTube@東張+)](https://imgs.orientalsunday.hk/wp-content/uploads/2023/12/whatsapp-image-2023-12-12-at-18.16.58-5_1040634706657833349016a.jpeg)
![容羨媛 當容羨媛聽到何依婷表示角色會更慘時,仲直接問何依婷:「你係唔係即係妹仔命啊?」,搞到何依婷表情超尷尬。(圖片來源:YouTube@東張+)](https://imgs.orientalsunday.hk/wp-content/uploads/2023/12/whatsapp-image-2023-12-12-at-18.16.58-4_71117675065783333ba923.jpeg)
4)容羨媛訪問何廣沛鄧智堅超唔客氣
除了女演員的訪問做到「炒晒車」外,容羨媛在訪問佘詩曼、何廣沛和鄧智堅時亦再度口出狂言。容羨媛一來就問佘詩曼:「Man姐你好,我可唔可以稱呼佢哋兩位為公公呢?」,搞到何廣沛同鄧智堅呆足4秒先開口回答,場面十分尷尬。而訪問結束前容羨媛再追問三位如何答謝大家的支持時,何廣沛原本只是輕輕帶過公開與佘詩曼在劇中的床照,可是容羨媛卻窮追猛打問佢幾點公開,又叫佢依家公開俾《東張西望》的觀眾睇,令佘詩曼同何廣沛兩位勁尷尬。
![容羨媛 容羨媛在訪問佘詩曼、何廣沛和鄧智堅時更表示:「我可唔可以稱呼佢哋兩位為公公呢?」,聽到何廣沛同鄧智堅呆足4秒。(圖片來源:YouTube@東張+)](https://imgs.orientalsunday.hk/wp-content/uploads/2023/12/whatsapp-image-2023-12-12-at-18.16.58-3_101730443065783332d7b16.jpeg)
5)容羨媛問林敏驄「係咪聾喇?」
有網民狠批容羨媛經常在《東張西望》以高聲量說話非常誇張,不但觀眾覺得嘈,就連受訪藝人都頂唔順,包括林敏驄!容羨媛於今年2月採訪一眾《下流上車族》演員,站在林敏驄身後的容羨媛不斷「喂嘩鬼叫」,令林敏驄多次用手掩住耳朵,容羨媛見狀,更開口問:「係咪聾喇?」搞到林敏驄非常尷尬。
![容羨媛 (圖片來源:Facebook@對白cap圖王)](https://imgs.orientalsunday.hk/wp-content/uploads/2023/12/whatsapp-image-2023-12-13-at-16.59.17_20379844366579727141997.jpeg)
6)容羨媛質疑黃耀英未生仔有問題
容羨媛在節目中為了引入「香港為全球生育率最低的地方」這報道,竟質疑同事黃耀英與太太李旻芳結婚近4年未生小朋友是否有問題:「點解你結婚咁耐都冇生小朋友呢,其實係唔係你有問題啊?」令黃耀英面露尷尬表情解釋:「嗱,其實係香港做小朋友真係一啲都唔容易㗎!又要測試啊、考試啊…」但被容羨媛截停指他未有作正面回應係咪有問題,更叫對方要去檢查一下身體:「身體健康緊要呀嘛!」引來不少網民炮轟她「冇腦」!
![容羨媛 黃耀英同李旻芳同為《東張西望》主持,自2019年結婚,至今已近四年。(圖片來源:IG@d.y.y.w)](https://imgs.orientalsunday.hk/wp-content/uploads/2023/05/01_1612420679645a09e0df817-1024x1021.jpg)
7)容羨媛曾一句話令蔣家旻超尷尬
容羨媛曾訪問《美麗戰場》的蔣家旻和李成昌,她的大頭開場白竟然是勁興奮四萬咁話:「全城熱睇蔣家旻兩分鐘強姦戲!」在現場的蔣家旻顯得甚為尷尬,仲話:「其實俾人強姦都唔係好好受。」之後容羨媛又問李成昌:「你又強姦咗人,然後大家仲好開心支持你,你冇被人鬧,你咪最著數?」李成昌即尷尬否認:「我好多思考㗎!我哋男演員真係好多思考㗎,有啲位又唔可以過份,但係又要自然,好大壓力㗎!」「問題」完全零修飾,擁12年節目主持經驗都可以令場面尷尬。
![容羨媛 容羨媛身為老臣子但都出事,「問題」完全零修飾仲四萬咁話:「全城熱睇蔣家旻兩分鐘強姦戲!」。(圖片來源:TVB影片截圖)](https://imgs.orientalsunday.hk/wp-content/uploads/2022/11/11_20379493766378e17cc5358-1024x560.jpg)