姚焯菲新歌MV點擊率拋離鍾柔美8倍 唱片公司「2大點」被批偏心加大細超
廣告
同為TVB《聲夢傳奇》出身的姚焯菲(Chantel)和鍾柔美(Yumi)早前齊齊推出新歌MV,兩人新歌同樣走Y2K風格,夠曬青春活潑,獲網民一清色激讚。雖然兩人於同一日推出相同風格嘅新歌,但反應就差天共地,Yumi新歌MV點擊率落後足足8倍。而且Chantel有得去日本拍MV,但Yumi就只能留港拍攝,網民都指唱片公司疑似大細超!
姚焯菲新歌MV點擊率拋離鍾柔美足足8倍
姚焯菲(Chantel)和鍾柔美(Yumi)於7月22日齊齊推出新歌MV,Chantel推出新歌《這個姿態》,而Yumi就推出《Y2K還襯我麼》。雖然兩首歌都在推出當日成功登上「YouTube音樂發燒影片」的第22及27位,不過點擊數方面就相差甚多。截止今日上午11時,Chantel和Yumi的新歌MV點擊數分別為32萬同4萬,足足相差8倍!
![姚焯菲 Chantel MV短短三日就已經達到32萬View數。](https://imgs.orientalsunday.hk/wp-content/uploads/2023/07/img_5809_32880992964bf48d87c67d-1024x974.jpg)
姚焯菲遠赴日本拍MV 造型、採景完勝鍾柔美
雖然兩人的新歌和MV風格相似,但有網民就指唱片公司疑似偏心加大細超。Chantel新歌遠赴日本拍MV,去東京鐵塔和日本街頭取景之餘,又大放煙花,非常大陣仗;而Yumi就只留在香港東九龍拍MV,場景都只得溜冰場、九龍城街頭同攝影棚。在服裝方面,Chantel於新歌MV中前前後後換上7個造型,而Yumi就只得三套衫。
![姚焯菲 Chantel遠赴日本拍攝MV。](https://imgs.orientalsunday.hk/wp-content/uploads/2023/07/chantel-official-music-video-0-16-screenshot_48410370264bf493a10f15-1024x576.jpeg)
![姚焯菲 Yumi主要係攝影棚入面拍攝MV。](https://imgs.orientalsunday.hk/wp-content/uploads/2023/07/yumi-y2k_official-mv-1-26-screenshot_80492416264bf49544c1c5-1024x576.jpeg)
姚焯菲同COLLAR MV撞到應 網民大讚Chantel靚好多
今次Chantel拋開小公主形象,以型格Y2K形象示人,唔少網民同歌迷都大讚有新鮮感之餘,造型又夠好睇。相反新MV一樣行Y2K風格的COLLAR,就被網民狠批今次造型非常不討好,尤其是Candy、Marf和GAO等人的打扮就最為肉酸。網民亦指出雖然Chantel同COLLAR同樣遠赴日本拍MV,但Chantel MV就能夠帶出日本街頭的獨有美感,而COLLAR MV就同喺香港拍冇乜分別。
![姚焯菲 有網民指Chantel MV拍得好睇過COLLAR新MV。](https://imgs.orientalsunday.hk/wp-content/uploads/2023/07/chantel-official-music-video-0-16-screenshot_48410370264bf493a10f15-1024x576.jpeg)
鍾柔美、COLLAR新歌被指部分旋律相似
同時亦有網民指出Yumi新歌與COLLAR新歌雖然乍聽之下風格不一,但其實某些部分旋律和節奏都非常相似,特別係兩首歌的後半部都非常相似。
![姚焯菲 特別係Winka後半部分同Yumi新歌旋律最為相似。](https://imgs.orientalsunday.hk/wp-content/uploads/2023/07/collaridcofficial-music-video-2-20-screenshot_131580198464bf4a768f907-1024x576.jpeg)
大家又覺得似唔似呢?
撰文:東方新地圖片來源:Youtube截圖、姚焯菲《這個姿態》MV 截圖、鍾柔美《y2k還襯我麼_》截圖、COLLAR《idc》截圖