夏文汐 剝得起又型得起！一齊重溫夏文汐1/3世紀的艷光
撰文：東方新地｜圖片：新傳媒圖片庫、夏文汐微博
夏文汐 82年 《烈火青春》處女作拍哥哥
夏文汐電影處女作《烈火青春》，夥拍哥哥張國榮、湯鎮業同葉童，片中熱情火辣嘅佢同湯鎮業喺電車上纏綿一幕，因意識大膽曾一度被禁，而夏文汐豪放嘅演出，令佢獲第二屆香港電影金像獎「最佳新演員獎」提名。
83年《唐朝豪放女》一脫成名
夏文汐演出描寫唐朝女道士魚玄機傳奇半生嘅邵氏電影《唐朝豪放女》，片中放蕩不羈同演浪客嘅萬梓良有連場情慾戲，近乎全裸大膽嘅演出轟動一時，令佢一脫成名，瞬間走紅。
83年《花城》床戰周潤發
夏文汐83年參演區丁平執導嘅《花城》，片中同好友鄭裕玲雖都係有夫之婦，但同演小提琴家嘅周潤發都有一手，兩個女人同為發哥出軌兼爭仔，男女關係亂到七彩。
85年《花街時代》錯愛黃秋生
片中夏文汐演50年代漁村少女，到灣仔做吧女時戀上混血兒黃秋生，因此同師傅于倩反面，被封殺後流落油麻地做企街妓女，而秋生搵到生父後竟獨自去美國居住，就算多年後離婚攜子回港搵老婆都冇同夏再續前緣，愛得超錯。
87年《江湖龍虎鬥》獲提名影后
電影中夏文汐要周潤發婚前脫離黑社會跟佢去香港生活，發哥因而同澳門好兄弟鄧光榮鬧翻，後來得知江湖大佬謝賢追殺鄧光榮，吻別愛妻回澳幫拖，夏文汐嗰份擔心、失望、不捨演得絲絲入扣，難怪獲第五屆香港電影金像獎「最佳女主角」提名。
80′ 晒線露底
呢兩張攝於八十年代中後期，夏文汐先晒兩吋半事業線，又擘大右髀激罕露白底，極度性感誘人，被稱為當代豪放女當之無愧。
87年 同阿倫鋤D
譚詠麟喺娛樂圈中素有「鋤王」稱號， 夏文汐竟然夠膽同佢鋤D，呢鋪剩番兩隻牌，而譚校長仲有成手牌，睇嚟勝券在握，難怪笑到四萬咁口。
85年 型格冷艷唔過時
短髮嘅夏文汐型格冷艷又cool爆嘅氣質，剝得又型得起，全黑套裝配名貴配飾，依家睇嚟依然咁型，一啲都冇out。
夏文汐被鬧係「老女人」 隨即留言反擊⋯
昔日惹火嘅女神52歲夏文汐在熱播中嘅無綫劇《逆緣》飾演息影女星「翁芷蕎」呢個角色，與林夏薇演母女，劇中更和黎諾懿發生的一段忘年戀。
但有大陸網友似乎不能接受52歲的夏文汐，和劇中37歲黎諾懿談姊弟戀，不停在她的微博臭罵她，不僅批評夏文汐的演技差、表情僵硬不自然、講對白不連貫，同時更大罵她保養得很爛、是個「老女人」！夏文汐截圖並公開⋯⋯
夏文汐：長得太美是我的錯
夏文汐又留言說：「罵我成這樣！」隨即又上傳一張寫著「長得太美是我的錯」的劇照，為自己平反也反擊亂罵的網友。
有網友叫她不用理會那些惡意評擊，又讚她是永遠的女神，52歲仍保養得宜。
夏文汐 要求全方位打燈
女神夏文汐首次拍無綫劇《逆緣》，當然唔可以馬虎，早前拍外景時，就見佢就對自己外表要求好高，淨係為咗令佢上鏡靚啲又膚色白滑啲，出動兩個工作人員左右夾擊拎反光板，另一個喺高位打強燈，睇得出佢好著緊出來效果。
密密補妝
拍攝期間夏文汐仲不時視察工作人員嗰兩塊大反光板係咪對準佢個樣，每拍完一個鏡頭立即要求化妝師為佢補妝，又緊張走去望吓個cam，確保自己以最佳狀態上鏡。
呢啲咪係老一輩藝人嘅完美準則囉，唔係求快，係要最好！
