兩年拍4劇全變倉底貨 傳唐詩詠有意離巢TVB 網民建議：去ATV同阿儀爭做一姐

文：東方新地｜圖：唐詩詠IG、抖音影片截圖及新傳媒圖片庫

唐詩詠 傳拒續約TVB

現年40歲的唐詩詠自2003年加入TVB即備受力捧，獲派主演當年青春劇《當四葉草碰上劍尖時》，至今已有18年，2017年更憑《不懂撒嬌的女人》奪得TVB「視后」大獎，但近日有傳她跟TVB合約即將期滿，加上有指她獲邀加盟新公司，令她萌生去意，打算不再與TVB續約，離巢向外闖。

原來過去兩年唐詩詠已拍了4部劇集，包括及《唐人街》、《超能使者》、《我家無難事》、《白色強人II》，但全數都變成了「倉底貨」，播出無期，令她曝光機會大減，近3年來近乎零廣告收入，加上有感遭受到網絡欺凌，因此令她心灰意冷，萌生離巢往外闖之意，但卻被身邊朋友都勸她三思，加上疫情關係令娛樂圈市道大受影響，因此令唐詩詠一時心大心細，對與TVB傾談續約一事採取「拖字訣」。

唐詩詠：合約仲有排

對於被傳欲離巢，近日正在拍攝新劇《隱形戰隊》的唐詩詠，在回覆傳媒時指與TVB合約仲有排未完，因此尚未同TVB傾過續約問題。而被指已成「倉底貨」的4部劇集中，《我家無難事》已暫定將會接檔《七公主》，在9月13日晚上8時30分首播。

對於有傳唐詩詠有意離巢TVB，有不少網友認為唐詩詠只是想「跳草裙舞」，亦有不少網友重提她在劇集 《不懂撒嬌的女人》中只是女配角，不應攞「視后」，此外亦有網友建議她離巢後可以過檔ATV，同近日人氣急升的阿儀（薛影儀）爭做ATV一姐！

重溫唐詩詠零濾鏡驚變大媽 遭內地網民嫌棄：女神不再﹗

其實近年唐詩詠已開始嘗試發展內地巿場，經常玩抖音與內地網民交流，早前她就在抖音上載了一段影片，無用濾鏡以最真一面上鏡，對鏡頭扮嬲後瞬間變溫柔，表情豐富晒演技，不過卻遭內地網民指頸紋盡現，更毫不留情面指唐詩詠樣殘，女神不再！真係慘慘豬！

唐詩詠晒演技

唐詩詠早前在抖音上載一段片，示範正常人和港劇女主角的嬲樣不同模樣，特別之處是化了淡妝的唐詩詠，沒有用瀘鏡，以免出現一般藝人重手變樣，選擇以較真實一面呈現，可惜卻被內地網民群起嫌棄！

在該條抖音片中，唐詩詠雖然束起了頭髮，但都睇得出頭髮凌亂，及身穿鬆身衫，加上凌厲眼神，噸起個樣扮嬲！仲要話自己好生氣，七情上面。

後來一秒換裝，唐詩詠穿上粉色上衣，眼神變溫柔，甜笑問：「你肚子餓不餓？ 我煮個麵給你吃啊﹗」說時不停擺出嬌媚手勢，唐詩詠瞬間考演技，得到不少網民讚好！

網民狠批

不過更多的留言是驚呼唐詩詠殘樣兼且頸紋盡現，慨嘆女神老了，「女神不再」、「頸紋好嚴重，不能只顧臉，其他部位也很重要」、「好顯老」、「胖了有師奶味」、「TVB捱得比較苦，但也要注重保養」！

唐詩詠誠實拒用濾鏡出事

唐詩詠沒有像一般藝人用上濾鏡變蛇精，反被內地網民指樣殘！其實除了頸紋，網民焦點亦落在唐詩詠的雙眼，指她現時眼睛跟幾年前有明顯不同，指她眼皮變深卻顯得不自然，連帶雙眼距離也變窄了，令人看得不不自然「看著她出道，為何現在雙眼變得不自然？」、「眼睛一定有動過手腳，不然不會如此奇怪」、「本來雙眼很迷人，為何現在變成羅茲威爾外星人一樣﹗」

唐詩詠久休開劇 網民：連雙眼皮都深咗

無綫新劇《超能使者》去年舉行開鏡拜神儀式，女主角唐詩詠停工多月終於有劇開，當日佢以薄妝示人，個樣硬晒有啲唔自然，望真啲，眼袋勁礙眼，塊面仲好浮腫，不過兩邊蘋果肌就依然脹卜卜，放咁耐假都唔執好個樣先復工，唐詩詠今勻真失策！

唐詩詠鼻高高因由

19歲拍《青春@Y2K》入行嘅唐詩詠，轉眼已經撈咗廿年，當年卜卜脆少女變咗熟成唐姨，視后都攞埋不過老公就仲未搵到，女人到咗呢個年紀仲要做呢行，個樣當然好重要，眼大大又鼻高高嘅唐詩詠，做咗三十九年人，舊年先喺親戚口中知道嫲嫲係荷蘭同印尼混血兒，亦即係話佢都擁有「歐洲血統」⋯⋯

本來腮骨外露塊面闊闊嘅唐詩詠，經過女大十八變自我分階段進化，近年變得面容緊緻，蘋果肌長期脹卜卜令到反光，不過就要長期保養囉！去年初受到新冠肺炎影響，唐詩詠停工避炎，日日留家玩貓喪煲劇，忙過開工。去年終於為新劇《超能使者》開工，唐詩詠帶住大眼袋同殘樣，成塊面都浮浮腫腫咁，不過網民就讚佢連雙眼皮都深咗。

個樣唔夠後生女搶fo，唐詩詠又出茅招，喺母親節預告7月會送神秘禮物給亡母，有網民揣測係同馬國明閃婚掀起熱話，連累馬明都被追問傳聞真假。明明係自己講啲唔講啲製造話題，唐詩詠竟然嬲嬲豬怪責大家錯誤解讀同扭曲佢嘅說話，佢仲自爆「神秘禮物」係佢同同學一齊參與慈善工作，大家會用唔同嘅藝術方式表達，重申唔係結婚，希望大家唔好再傳佢同馬明係一對﹗之後馬國明更被爆同湯洛雯拍拖，令外界對馬明與契妹唐詩詠的童話幻滅﹗

講返唐詩詠個樣，初出道嘅佢樣子清純真係幾討好，人愈大面容愈緊緻，仲冇晒baby fat，而最明顯嘅進化應該係以前蘋果肌平坦，依家變得立體。