古巨基

古巨基演唱會︱一文直擊7大重點！樂壇後輩總動員出席嘉賓陣容媲美頒獎禮

最新娛聞
Keith

廣告

現年50歲的古巨基今晚（8日）於會展舉行僅此一場的《I REALLY LOVE TO SING｜AROUND THE WORLD LIVE 2023》演唱會，時隔4年終於再開騷，基仔一共邀請了22位後輩做嘉賓，卡士陣容媲美頒獎禮！
古巨基
（圖片來源：東方新地）
古巨基 古巨基時隔4年舉辦個人演唱會。
古巨基時隔4年舉辦個人演唱會。（圖片來源：東方新地）

古巨基演唱會︱1. 罕有化身跳唱歌手 又唱又跳超落力

向來少有在舞台上跳舞的古巨基，今次為演唱會罕有化身跳唱歌手，唱到《順風車》時又唱又跳非常落力。

古巨基 古巨基難得化身為跳唱歌手。
古巨基難得化身為跳唱歌手。（圖片來源：東方新地）
古巨基 又唱又跳好落力。
又唱又跳好落力。（圖片來源：東方新地）

古巨基演唱會︱2. 邀請22位樂壇後輩當嘉賓 卡士媲美頒獎禮

古巨基在過去於2021曾經展開音樂企劃《 I REALLY LOVE TO SING 》，當時他曾表示香港樂壇有很多好歌聲值得被更多人聽到，因此近年一直出心出力提攜後輩。他於今晚演唱會上更邀請了22位後輩當嘉賓，包括MC張天賦、Tyson Yoshi、Dark、ERROR成員保錡和細貓等人，卡士陣容媲美頒獎禮。古巨基更鼓勵在場觀眾要多支持樂壇新人：「頭先台上有好多新歌手，有好多可能大家未必會了解佢哋或者佢哋嘅音樂，當中有啲可能係自資出唱片，有啲可能喺網上自己發表歌曲，冇乜好多Support嘅歌手。希望大家今晚喺呢個場合見到佢哋嘅名字，可以喺網上面搵下佢哋嘅音樂。」

古巨基 MC張天賦一出場就惹起全場尖叫！
MC張天賦一出場就惹起全場尖叫！（圖片來源：東方新地）
古巨基 Tyson Yoshi都有做嘉賓。
Tyson Yoshi都有做嘉賓。（圖片來源：東方新地）
古巨基 ERROR成員保錡
ERROR成員保錡（圖片來源：東方新地）
古巨基 成班樂壇後輩齊齊上台合唱《星戰》。
成班樂壇後輩齊齊上台合唱《星戰》。（圖片來源：東方新地）

古巨基演唱會︱3. 舞台設計花心思 每首歌換背景

雖然演唱會並沒有大型機關或華麗的舞台擺設，但當古巨基每唱一首歌，背後大熒幕都會換上新的背景配合歌詞，簡單得嚟又有心思。

古巨基 舞台設計簡單得嚟又有心思。
舞台設計簡單得嚟又有心思。（圖片來源：東方新地）
古巨基 每場一首歌，背後大熒幕都會轉背景。
每場一首歌，背後大熒幕都會轉背景。（圖片來源：東方新地）
古巨基 真係好靚啊！
真係好靚啊！（圖片來源：東方新地）

古巨基演唱會︱4. 演唱會服裝全面睇

除了演唱會舞台設計之外，古巨基在服裝方面亦非常花心機，2小時的演唱會一共換上5套服裝，而且件件都盡顯他的高挑身形，其中以一開場的白馬王子Look最型仔！

古巨基 以一身白馬王子Look登場。
以一身白馬王子Look登場。（圖片來源：東方新地）
古巨基 第二part同樂壇後輩們合作，連服裝都Young啲！
第二part同樂壇後輩們合作，連服裝都Young啲！（圖片來源：東方新地）
古巨基 外套上有兩條長腿好特別。
外套上有兩條長腿好特別。（圖片來源：東方新地）
古巨基 紅當當！
紅當當！（圖片來源：東方新地）
古巨基 最後換上印有演唱會縮寫「IRLTS」的T-Shirt。
最後換上印有演唱會縮寫「IRLTS」的T-Shirt。（圖片來源：東方新地）

古巨基演唱會︱5. 力臻除衫大曬肌肉

嘉賓之一的力臻和古巨基合唱完《Can We Try》之後，直至下一首歌《第二最愛》前奏響起都遲遲未有下台，仲突然除衫話要畀驚喜古巨基！原來件衫內裡有好多張古巨基相片，同時曬六嚿腹肌大派福利畀一眾樂迷！

古巨基 力臻突然曬肌肉。
力臻突然曬肌肉。（圖片來源：東方新地）

古巨基演唱會︱6. 曾嘗試用AI寫歌給家人：AI係寫唔到歌

早前網上瘋傳AI尹光、AI陳奕迅等AI歌手，古巨基在演唱會笑指自己亦曾經嘗試用AI寫歌給太太和兒子，不過最後得出來的結果令人無語：「我之前試過用ChatGPT，問佢可唔可以幫手寫首歌畀我太太同個仔，佢彈出呢兩段嘢畀我。我發覺AI係寫唔到歌，將來我唔知，但係呢個moment我相信係做唔到嘅。同埋頭先咁多新晉歌手，點解我會覺得AI係冇可能做到人類嘅音樂、歌聲，係因為佢地哋付出咗好大努力，經過好多高低起跌，將佢地嘅經歷寫出嚟，係有血有肉嘅，唔係任何一個AI可以做到。」

古巨基 古巨基曾經試過用AI寫歌畀家人。
古巨基曾經試過用AI寫歌畀家人。（圖片來源：東方新地）
古巨基 堅信AI不能取代有血有肉的音樂人。
堅信AI不能取代有血有肉的音樂人。（圖片來源：東方新地）

古巨基演唱會︱7. 當爸爸後首個演唱會：大家一齊叫仔仔個名

古巨基的兒子Kuson於2019年出生，轉眼間已經3歲多，今次亦是古巨基當爸爸之後首個演唱會。他在台上指仔仔仔綵排期間曾經想上台同爸爸一起跳舞，不過就被媽媽帶落台。古巨基一講到仔仔就笑到見牙唔見眼：「不如大家畀佢感受下咩嘢係演唱會嘅聲好冇啊？我估我老婆有拍低嘅，你哋介唔介意大家一齊叫佢個名『Kuson』，我嗰仔叫『Kuson』啊！我諗佢睇到呢個片會好好笑，多謝大家！」

在演唱會結束後接受傳媒訪問時，古巨基大爆曾有考慮過帶仔仔上台Encore：「Encore完落台之後，我竟然見到我個仔企喺台底，媽媽抱住佢。原來佢忍住眼瞓，平時佢已經瞓咗，但佢今日竟然頂住成個Show。見到佢之後佢第一個反應係：『爸爸我要上台啊』，我其實頭先如果再有多一次Encore嘅時候，我都有諗過係唔係可以帶去上去，即刻抱住咗佢。但導演就話有部分觀眾已經離緊場，有啲觀眾嗌緊Encore，但佢哋驚人流上會有危險，所以最後冇再第二次Encore。跟住我就抱住個仔，同佢講我哋要返入去喇，佢就眼濕濕，好唔開心。佢平時都鐘意跳舞唱歌，但我冇諗過佢咁想企喺舞台上面。」

古巨基 一講到仔仔就成個慈父咁，好sweet！
一講到仔仔就成個慈父咁，好sweet！（圖片來源：東方新地）
古巨基 古巨基仲大讚仔仔跳舞好過自己。
古巨基仲大讚仔仔跳舞好過自己。（圖片來源：東方新地）

同場加映：回應沒有邀請《聲夢》出身歌手一事

當被問到沒有邀請到《聲夢傳奇》出身的新晉歌手合作一事，古巨基回應指：「互相認識或者合作係緣分嚟嘅。喺咁多合作單位入面，我都講過我好鐘意碌Youtube，好鐘意搵一啲單打獨鬥嘅歌手，自己自資或者揼石仔咁做音樂出嚟，咁睇完一個佢就會relate咗另一個俾我睇。咁喺Youtube上面係緣分令我認識到大家，所以合作都係緣分嘢，唱歌都係開心嘢，大家都平常心咁去認識咁鐘意音樂嘅朋友啦！」

古巨基 古巨基表示有緣分就會合作，但自己比較中意搵一啲自資、為音樂單打獨鬥的歌手們合作。
古巨基表示有緣分就會合作，但自己比較中意搵一啲自資、為音樂單打獨鬥的歌手們合作。（圖片來源：東方新地）

一齊睇古巨基足本訪問：

&feature=youtu.be

古巨基《I REALLY LOVE TO SING｜AROUND THE WORLD LIVE 2023》演唱會完整歌單：

  1. 《我生》
  2. 《初初》
  3. 《任天堂流淚》
  4. 《眼睛不能沒眼淚》
  5. 《漂流教室》
  6. 《順風車》
  7. 《有少少愛》（w/ Delta T）
  8. 《Can We Try》（w/ ⼒臻）
  9. 《第二最愛》（w/ Tyson Yoshi）
  10. 《In My Dream》（原曲：Tyson Yoshi）
  11. 《愛神》
  12. 《樓下有人》
  13. 《心跳回憶》（w/ 細貓）
  14. 《歡樂今宵》
  15. 《一刻永恆》（w/ Dark）
  16. 《自我安慰》（w/ MC張天賦）
  17. 《記憶棉》（原曲：MC張天賦）
  18. 《告別我的戀人們》
  19. 《地球很危險》
  20. 《時代》
  21. 《致少年時代》
  22. 《星戰》（w/ 吳保錡/張進翹/顧定軒/黃劍文/洪助昇/何佩/黎啟峰/Michael C/張蔓莎/劉君冬/⾕旻/張天穎/STRAYZ/Lowa/Triple G/黎展峰）
  23. 《人生有幾多個十年》
  24. 《花灑》
  25. 《愛回家》
  26. ENCORE：《必殺技》
  27. ENCORE：《重複犯錯》

撰文：東方新地圖片來源：東方新地、IG@tysonyoshi

熱門文章