何遠東「挑機」ERROR肥仔？苦練浮誇舞技上台載歌載舞

何遠東：要應付好多隻舞

何遠東日前出席活動時，透露自己將於8月與香港舞蹈團合作表演跳中國舞，現階段他已做到「鶴立雞群」，他表示：「預計仲要訓練兩、三個月，到時上台要應付好多隻舞，仲要唱埋歌，好在係同廿幾位專業舞蹈員一齊跳，唔係Solo！」

何遠東「挑機」ERROR肥仔？苦練浮誇舞技上台載歌載舞 — 近日何遠東在《失憶24小時》中飾演智商只有10歲的「肥松」，他透露自己即將上台表演跳舞，屆時將會有個浮誇造型。

曾做歌神紅館騷Dancer

原來何遠東當年就讀演藝學院時曾副修舞蹈，學過現代舞和爵士舞，他笑指自己讀跳舞時好高分，更曾擔任過歌神許冠傑（Sam）紅館騷Dancer，他笑言：「我希望大家都知我識跳舞，我咁肥跳舞係好辛苦，我仲係扁平足，要紮住腳跳平衡先好啲，所以更加辛苦！不過我唔忿氣，冇理由剩係瘦仔先跳到舞！」

「肥仔」梁業跳舞起家

男子搞笑組合ERROR隊長「肥仔」亦係一名擅長跳舞嘅肥仔，在2018年他憑藉強勁舞技，包括以頭倒立兼玩Moonwalk等，在第一屆《全民造星》中成功打入十強，並在最後總決賽中取得第四名，雖然最終無緣加入MIRROR，但亦得以與193（郭嘉駿）、Dee（何啟華）及前成員保錡組成ERROR出道。

何遠東勁減80磅

由細肥到大、更因為肥得可愛有喜感拍劇入屋，高峰時期體重超過280磅，何遠東2017年的起心肝為健康減去50磅已經令人刮目相看。點知一場疫情，人人留家食同瞓長肉抗疫，唯獨東東因為太得閒反而走去鑽研減肥，早餐飲韓國ABC果汁、少食澱粉質、每日堅持個半小時運動，再瘦多30磅，勁！

何遠東出身演藝學院

何遠東出身演藝學院，2008年加入無綫，2012年在《衝吧！瘦薪兵團》飾演古怪租客「刁兄」，開始為觀眾認識，之後他演出過《衝吧！瘦薪兵團》、《心路GPS》、《巨輪》、《巨輪II》、《舌劍上的公堂》、《忠奸人》、《老表你好hea》、《鬼同你OT》及《來自喵喵星的妳》等多齣劇集，直至他在《心理追兇》中飾演一名一時衝動殺害了自己母親的孝順仔，崩潰的演技成為網民心目中的「最佳男配角」。