43歲人妻謝安琪夾波誘惑
粉絲睇到留口水
雖然新冠肺炎疫情稍有緩和,不過,限聚令未解封,公開活動依然有限,閉關的阿Kay,時不時就會在社交網派福利,Keep住同粉絲互動保人氣,見之前上載水著寫真咁好反應,今次阿Kay就出動透視夾波,好誘惑㗎!
![身材豐滿的謝安琪,雙手交疊擁抱自己,認真波濤洶湧!](https://imgs.orientalsunday.hk/wp-content/uploads/2020/06/img_6125_16968322525ed62a1823214.jpg)
雖然晒相之餘, Kay仲寫咗大堆感性留言,好似「有些風暴冥冥就是為了洗刷清晰前路」、「疾風急雨未必無情 驚濤駭浪中的領略尤甚無價」、「風雨有感 霾散有期 教我們更懂得 擁抱熬過錘煉洗禮的自己」,似在與眾共勉!不過,好明顯相片比文字吸引,大家可能都忽略咗Kay語重心長的鼓勵!
![除咗po全身相,謝安琪仲Focus埋心口,真係知宅男心意!](https://imgs.orientalsunday.hk/wp-content/uploads/2020/06/img_6116_13317939045ed62a208a326.jpg)
43歲謝安琪一早見慣大場面,御夫有術外,冧宅男一樣有計,深明坦蕩蕩唔一定係最吸引,反而若隱若現更加深不可測, 她在IG上載了幾張透視夾波罅相片,仲刻意自己focus埋心口畀你睇,34D身材呼之欲出!問你服未!
謝安琪與張繼聰最近因疫情長期留家,閒時除了要陪仔女玩樂,兩公婆亦爭取二人世界,張繼聰化身攝影大師為愛妻密密影,其中一輯在水中央雖然主攻膊頭以上大頭寫真,但43歲的謝安琪如含苞待放的少女,濕身晒髀罅慾照唔止能誘夫,更令不少宅男垂涎三尺。日前張繼聰駕駛其心愛戰車與謝安琪遊車河,戴晒頭盔包到冚,無懼悶熱天氣,結婚13年育有一對仔女,如何能重拾激情、令夫妻生活如魚得水?謝安琪為冧張繼聰投其所好keep住姣,值得參考。
謝安琪閂埋房門玩私影 張繼聰做御用攝影師
謝安琪07年與張繼聰奉子成婚,兒子張瞻出世後,其歌唱事業更暢旺,升呢後被指與張繼聰女尊男卑,不過無損夫妻感情,近年張繼聰崛起,拍劇拍電影成為大紅人,07年再迎來細女張靖,一家四口生活更見美滿。最近受到新冠肺炎影響,居於大埔比華利山的張繼聰與謝安琪亦留家抗疫,不時在社交網上看到他們與子女打成一片,張繼聰幾乎每天都揸住結他自彈,謝安琪又會興起開金口,但原來除了玩音樂,夫婦二人近月有另一愛好。
張繼聰早前宣布即將踩過界做網紅,喜歡影相拍片的他,最新愛好是做謝安琪的御用攝影師,間中也會把作品放於自己的 IG內,日前他又親自操刀拍下謝安琪的出水芙蓉照,張繼聰直頭當寫真咁影,據知情者透露:「雖然生咗兩個小朋友,但 Kay(謝安琪)好引以為傲,覺得自己身材仲 keep到冇走樣,再加上有個鍾意影相嘅老公梗係要用到盡啦!
![早前謝安琪上載一輯充滿夏日氣息的水著照上 IG,並在相下留言︰「都不放棄努力過活,用心挖掘、領受、體現,萬物當中的細節,生命承載的意義。仍然可以選擇,真摯地分享,箇中的快樂。這是特別值得珍惜的一種樂觀。」](https://imgs.orientalsunday.hk/wp-content/uploads/2020/05/01_1171a_catc_p20_22_3961981475ebb8753b5fc0.jpg)
阿聰影得 Kay唔靚唔瘦一定畀佢鬧爆,為咗增添夫妻情趣,佢哋仲會喺屋企睡房閂埋門影性感相,不過都只係自己私藏,呢輯泳池相影到好似日本少女寫真咁,其中一張仲係 Kay大髀大特寫,真係引人遐想,阿聰唔想益街坊,所以冇放喺自己 IG度,點知 Kay自己放,即刻惹來好大回響。一直以嚟,Kay好介意人哋話佢老過阿聰,所以喺老公面前佢成日扮少女同小鳥依人,結婚十三年老夫老妻,都要諗吓點樣重拾激情嘅!為咗冧老公姣功係必須的,呢方面 Kay做得好好,夫妻生活真係一啲問題都冇。」
![張繼聰鏡頭下的謝安琪相當性感,濕髮露肩之餘,仲有若隱若現的激凸剪影,意識形態都極度誘人。](https://imgs.orientalsunday.hk/wp-content/uploads/2020/05/15_1171a_catc_p20_22_5222605925ebb87685cc3f.jpg)
努力經營夫妻關係 烈火戰車慢速行駛
謝安琪深知夫妻關係要努力經營,在這段抗疫期間,除了要全天候照顧一對寶貝仔女,她亦沒有冷落老公,不時陪住張繼聰外出飛車,知情者說:「阿聰熱愛揸電單車,近年花唔少錢買戰車,Kay唔單止冇詐型,仲讚老公夠man夠型,呢啲老婆去邊度搵呀?」冬天坐電單車寒風刺骨、大熱天時又曬又焗,相信冇乜女士喜歡坐電單車,不過謝安琪為冧老公奉陪到底。
![日前張繼聰車載謝安琪外出兜風,並把自拍照放上社交網,結果被網民質疑行車中拍照違反交通規則。](https://imgs.orientalsunday.hk/wp-content/uploads/2020/05/06_1171a_catc_p20_22_8928544005ebb875e6d9cd-920x1024.jpg)
日前下午三時左右,張繼聰駕駛其新寵Harley Davidson FatBoy戰車外出,由大埔比華利山出發前往沙頭角鹿頸,來回花了約一小時,返家後他再次出車,這次後座多了老婆謝安琪,夫婦二人同穿黑皮褸、窄牛與短靴,打扮襯到絕,雖然其電單車馬力非常大,但張繼聰全程時速都不過60,車載愛妻小心為上,而今次目的地同樣是鹿頸,一日出車走兩轉都冇停車落地,可見張繼聰留家太悶,無論如何都要外出快閃鬆一鬆,而謝安琪亦夫唱婦隨。
![這日下午三時許,張繼聰揸住戰車駛出大埔比華利山寓所,前往沙頭角鹿頸,來回車程約一小時。](https://imgs.orientalsunday.hk/wp-content/uploads/2020/05/09_1171a_catc_p20_22_1254574375ebb88290b721.jpg)
簽了Juno公司的謝安琪,原打算每年12月12日推出新碟,今年受疫情影響令工作計劃大亂,之前傾落的廣告延期,新碟錄音日前才重新開始,外地的巡迴演唱會更暫時擱置,至於張繼聰電影工作也大受影響,惟有耐心等候,這段停工期一家四口在家困獸鬥,無論親子關係抑或夫妻關係,都一定更勝從前。
![抗疫期間,一對子女停學也不悶,經常想一些新遊戲出來玩,張繼聰亦樂意陪玩,謝安琪笑言不消耗體力的活動才參與,要身體力行的就交畀張繼聰,她只負責影相拍片。](https://imgs.orientalsunday.hk/wp-content/uploads/2020/05/21_1171a_catc_p20_22_7344825725ebb87478a75a-941x1024.jpg)