亞洲小姐2021｜薛影儀上台掀全晚高潮 直播觀眾終過400人 佳麗低質素才藝表演趕客

撰文：東方新地 圖片：ATV亞視數碼媒體FB

一開場做甩手操薛影儀遲遲未現身

亞洲小姐2021決賽一開場由16位準亞姐出場跳舞，不過都係手FING FING，不少網民都覺悶，隨後嘉賓泳兒唱歌表演，網民開始鼓譟，因為他們最想睇的阿儀仍未出現，到好後段才見到阿儀被安排坐在宮雪花後面，依然係冇表情。

分3組才藝表演

第一個環節佳麗分3組作才藝表演，不外乎唱歌跳舞及樂器，大部人都五音不全，最後竟由6號陳美濤奇招突圍，表演書法奪得「才藝飛越大獎」。

泳裝環節觀眾仍不過300

之後是泳裝問答環節，觀眾人數仍不過400人，亞視都好環保，佳麗所穿的都是昨日拜神時的泳衣，不過就各出奇謀，有指泳衣SIZE一樣，佳麗要靠自己落胸墊去展現身材。當中4號袁群有就最搶鏡同答得有紋路，司儀問她如果同評判之一的林作拳賽對決，她會點做？袁群有話會用她的長手長腳使出「毒龍鑽」，令台下的林作不知幾開心。

薛影儀奪獎！上台一刻成就直播時段最高收視

千呼萬喚的阿儀一直坐在台下，終於等到她出場拎獎，由30年前的冠軍羅霖頒發「最佳努力獎」給阿儀，直播觀眾人數亦打破400，不過阿儀都係繼續好COOL唔笑，甚至羅霖伸出手道賀亦未見回應。

不過阿儀在出場領獎時，已預早錄下了得獎心聲，全文如下：

大家好我係薛影儀，今年我鼓氣勇氣參加亞洲小姐，雖然我無入圍，但我好榮幸得到亞洲電視嘅賞識，成為藝人。真係好多謝亞洲電視，令我可以試到唔同類型嘅工作，可以發展我嘅演藝事業、追尋自己嘅夢想！

選美騎呢場面

亞視真係好創新，表演嘉賓方面除了英皇歌手泳兒之外，又突然安排唔出名的歌手JD戴鎧霖以及黑人歌手Miss Lolo唱〈上海灘〉，還有開場不久訪問評判時，後面的現場觀眾竟然在食嘢，好似食緊自助餐一樣，畫面真係別開生面！到肥媽出場時，更加似去咗公司春茗。