《初戀日記》學生妹 鋼管舞女神貝依霖
廣告
《初戀日記：賤男蜜擾》已經上映，戲内女神雲集，除了網民好熟悉嘅王敏奕同杜小喬外，仲有一位走性感路線嘅靚女 貝依霖 (Chantale)！ 芳齡23歲嘅Chantale唔單止有標致樣貌，身材亦係一級棒，跳鋼管舞睇到人流晒鼻血！
貝依霖外形省鏡，更擁有32C噴血身材，令佢受到不少男性的愛戴。呢位令人噴血嘅女新人近年開始拍戲，而最近上映的《初戀日記：賤男蜜擾》亦有份演出。唔好睇Chantale着起校服上嚟斯斯文文，清純至極，其實劇中演出十分大膽！
戲中Chantale 為了得到馬志威不擇手段，使出性感辣招：着性感內衣喺床上勾引馬志威，仲喺身上綁紅絲帶要馬志威玩「拆禮物」，性感程度令人乍舌。 Chantale曾透露劇情點到即止，加上同馬志威好熟，故直言「冇尷尬」。反而係馬志威好怕醜，耳仔紅面紅，完全唔敢望Chantale。睇到呢度，大家係咪好羡慕馬志威呢？
其實Chantale參加咗由王思聰監製的内地節目《Hello！女神》後一炮而紅，更加被稱讚外貌甜美，酷似林依晨，IG即時多咗唔少粉絲。除學生妹劇照外，Chantale密密上載大的跳鋼管舞照片同影片，原來佢4年前開始學跳鋼管舞，跳得誘人至極，私底下都係性感尤物，難怪喺《初戀日記》有咁亮眼嘅演出啦。
