鄭秀文、許志安淺水灣愛巢內籠逐格睇 偏廳型格紅磚牆影靚相無難度
廣告
一向愛貓又愛狗、家有十歲英短愛貓 Mike Mike 及十五歲老狗 Lucky,鄭秀文及許志安近日終於經歷狗奴最痛,愛犬喺兩公婆同全家人陪伴下安詳離世。一世人第一次經歷同毛孩生離死別,Sammi 喺 Lucky 火化後,感觸發表千字文,以表悼念及抒發經此一役對人生和生死的領略。
撰文、圖片:東方新地
鄭秀文、許志安疫情下因禍得福
其實 Lucky 年紀唔細、身體亦唔係一夕變差,近半年來 Sammi 出 po 做訪問都不時提到一場疫情有得亦有失,多了留在家裡、多了和身邊人相處、亦剛剛好在 Lucky 年老多病狗生倒數的日子裡,正好工作不多可以盡可能陪伴在側。
![Follow開Sammi 同安仔 IG,對呢張鮮紅色梳花絕對唔陌生,要有 Sammi 咁大膽咁型格嘅屋企,至carry 到呢張咁搶眼嘅梳化!](https://imgs.orientalsunday.hk/wp-content/uploads/2020/10/1_1194a_aunt_p10_11_17798782045f910a516fe22-581x1024.jpg)
的而且確,一年來工作驟減,Sammi 出 po 背景十之有九係其淺水灣居所,而去年鬧出的「 安心事件 」,另一半許志安亦幾近停工常留在家,一場婚姻危機再加一場世紀疫症,反而讓兩公婆更加體會到婚姻與「 同行 」兩個字嘅真諦,一個唔覺意,亦都令 Sammi 早年買入嘅愛巢曝光!二千呎港島區傳統豪宅地段,闊落得嚟裝潢有心機又有格調,尤其偏廳一幅紅磚牆夠晒特別又型仔,間屋絕對襯得起 Sammi 潮流 Icon 身份!
![因為限聚令搞到無得做 gym,好彩屋企夠大,大把空間可以繼續日日爆汗。](https://imgs.orientalsunday.hk/wp-content/uploads/2020/10/3_1194a_aunt_p10_11_10607580385f910a583b687-856x1024.jpg)