38歲陳自瑤上圍升Cup演索爆女強人《那些我愛過的人》情陷林文龍
撰文、圖片:東方新地
陳自瑤情陷林文龍更與閨密爭仔
現年38歲的陳自瑤自2001年入行做模特兒,拍過不少廣告,包括在 CTI 的 IDD 廣告中飾演電梯女郎,2004年她加入無綫,主演《 赤沙印記@四葉草 .2 》,成為初代宅男女神。在新劇《那些我愛過的人》中,陳自瑤不但愛慕林文龍,更會與閨密連詩雅爭奪馬貫東。
![新劇首集播出,YoYo就派福利圖提醒大家要追劇⋯⋯](https://imgs.orientalsunday.hk/wp-content/uploads/2020/06/chenchiyiu_102285739_542675093094226_3401206367458721803_n_16168884545ede6e00dca8d.jpg)
![陳自瑤與王浩信在2011年11月11日上午11時結婚,翌年4月誕下一女,但近年二人屢傳婚變,早前 Yoyo 罕有地在 IG 晒出戴著婚戒的自拍照,獲王浩信即時讚好,似力證二人情未變,不過據知是拍劇時的道具戒指,二人亦再未有合體過。](https://imgs.orientalsunday.hk/wp-content/uploads/2020/06/h3_1174a_funn_p52_53_7096410495ed4da23763ab.jpg)
陳自瑤 王浩信 最後大龍鳳
能共患難與富貴,並非人人都做得到,王浩信與陳自瑤(YoYo)近年多次傳婚變,空穴來風未必無因。YoYo婚前一直受無綫力捧,與王浩信結婚生女後,她甘願做個平凡花旦,睇住老公由三線攀上視帝之位,但夫婦之間距離卻愈來愈遠。為了王浩信的形象與發展機會,YoYo對老公在外的緋聞一直逆來順受,每次有負面新聞,她都願意企出來做大龍鳳,事實卻是有苦自己知。
為個女啞忍
今次二人再傳婚變,不少圈中人都不感意外,據知陳自瑤一直好想挽救段婚姻,自己幾唔開心都好,都陪Vincent出嚟硬撐,結果老公順利拎埋視帝,但關係就未見好轉。Vincent 表面上話想同YoYo 生多個又承諾帶佢去旅行,全部都係得個講字。YoYo為咗個女好唔忍心,亦畀咗好多次機會Vincent,可能聚少離多,佢終於諗通再勉強落去都係冇結果,所以一返香港就同Vincent講清楚,仲叫佢即刻搬走。
陳自瑤歷年性感重溫
王浩信家有嬌妻但緋聞多多,女士們怒罵佢用情唔專一,至於男士呢,都一致認為點解陳自瑤咁正,王浩信都唔珍惜!講返YoYo,雖然佢早已經唔係十八廿二,不過樣貌身材都keep得非常好,上圍豐滿、四肢纖幼、皮膚白滑,著泳衣邊有得輸?
陳自瑤 那些年的模特兒
1981年出生的陳自瑤現年36歲,讀書時曾是校內校花,預科畢業後以模特兒身份出道,拍過唔少廣告。YoYo雖然又唔算係擁有驚為天人的美貌,但勝在清純可愛、笑容甜美,現今講法就係「貼地」的鄰家女孩。睇番YoYo多年前的模特兒照,又唔覺佢同依家有好大分別喎!
《赤沙印記@四葉草.2》(2004)
2003年《四葉草》第一部反應咁好,無綫翌年推出《赤沙印記@四葉草.2》,今次劇集以沙灘排球為題材,女主角有楊秀惠、李思欣、陳自瑤等、男主角則為司徒瑞祈同蔡淇俊,不過呢兩位都已經離開大台。一班後生女著沙排look晒吓腰晒吓腿,當然好睇~
敵不過「七年之癢」?
至2011年11月,YoYo與年紀比自己小2歲的王浩信奉子成婚,於香格里拉大酒店舉行婚禮,兩人的愛女王靖喬在翌年出世。兩人近年多次傳出情變,今次離婚傳聞鬧得熱烘烘,難道真係敵不過「七年之癢」?