減齡「眼鏡娘」大比拼！蔡卓妍、岑麗香、李佳芯變身「四眼妹」充滿少女味！

撰文、圖片：東方新地

鍾欣潼39歲

五官標緻嘅阿嬌向來素顏見得人，戴上圓框眼鏡後更多了一分可愛，造型依然省鏡！

蔡卓妍37歲

Sa可算是圈中嘅潮流指標之一，戴上呢個金絲眼鏡後，活脫脫充滿潮流玩味。

岑麗香35歲

榮升靚媽嘅香香生完仔後無論身形同外貌都完全冇變過，依然係咁靚女，配上眼鏡反而多咗份少女味！

鄺潔楹27歲

因拍旅遊節目《3日2夜》大晒誘人身材而爆紅嘅鄺潔楹，雖然僅得155cm身高，但細細粒夠可愛，獲封為仙氣女神，戴上平光眼鏡更見仙氣逼人！

高海寧33歲

咪神高海寧戴上圓框眼鏡兼紮埋噴泉頭，嘟晒嘴擺甫士，傻氣得嚟不失可愛。

麥明詩28歲

走低調自然風，只著上一件簡單嘅one-piece裙，戴上圓眼鏡嘅麥明詩以素顏入鏡，十足鄰家女孩。

馮盈盈「眼鏡娘」現身《愛·回家》

馮盈盈嘅眼鏡娘造型大家見過未？早前FYY驚喜現身《愛·回家之開心速遞》，一時純情四眼妹，一時換上浴袍冧到廢青安、朱凌凌無限FF：

Coffee 林芊妤 30歲

Coffee 林芊妤早前表示「連續七日唔可以帶隱形眼鏡」原來之後要做矯視手術，表示希望以後都唔駛再戴眼鏡。

蔡思貝29歲

眼鏡呢樣嘢，戴得唔啱feel就容易變宅女，蔡思貝就係最佳例子。

陳嘉寶30歲

向來外表斯斯文文，戴上眼鏡更為Anjaylia添加了一份書卷味。

吳雨霏34歲

愛追潮流、走型格路線，Kary喜歡將眼鏡當飾物佩戴，化身型格時尚潮媽。

吳若希28歲

經常被指寸嘴嘅吳若希本身外形的確帶點囂張，戴上眼鏡後感覺成熟了，更顯斯文得體。

佘詩曼45歲

私底下經常戴眼鏡示人，雖然已經45歲， 但戴上眼鏡後嘅阿佘立即減齡，少女味返晒嚟！

李佳芯37歲

氣質女神李佳芯有樣有演技，備受網民追捧，就算戴上眼鏡素顏上陣，一樣清麗脫俗。

鍾嘉欣36歲

天生斯文底，講嘢陰聲細氣嘅鍾嘉欣，戴上眼鏡後更見溫文儒雅。

黃翠如38歲

雖然套套劇擔正做女一，但平日愛作casual打扮嘅黃翠如並冇姐級霸氣，形象親切，架上幼框眼鏡，散發著一份知性美。

連詩雅31歲

連詩雅向來被指有啲「港女」feel，戴上眼鏡頓時令氣質提升，即刻斯文晒！

唐詩詠39歲

出名用情專一、形象討好嘅「最佳女朋友」唐詩詠，簡單佩戴一副粗框眼鏡，超有文青味道。

舒淇44歲

舒淇是名副其實嘅眼鏡控，唔使開工嘅日子最鍾意戴眼鏡，即使素顏出鏡氣質依然出眾。

姚子羚39歲

姚子羚戴起眼鏡來仍保持清純感覺，一樣咁sharp咁靚，絕對係「眼鏡娘」最佳人版之一。

張寶兒28歲

一把及肩長髮加上粗框眼鏡成個學生妹咁，青春可人，非常討好。

劉心悠39歲

氣質女神劉心悠戴咗眼鏡之後，好有鄰家女孩feel，不過星味大減。

蔡潔31歲

喺近日熱播無綫劇《飛虎之雷霆極戰》中，蔡潔以眼鏡look造型登場令人眼前一亮，被網民大讚為最佳眼鏡娘人版。