林秀怡節目分享置業經驗男友助圓上車夢為入伙慳盡格價

Feb 6 2021

父母離異從小與母親相依為命、母親腳傷生活重擔一直落在自己身上、年前耗盡40萬積蓄為癌母醫癌、更曾因口直心快慘被無綫雪藏，生活坎坷不過一直知足常樂孝順又慳儉的林秀怡總算捱出頭來！2020年終於從雪櫃重出生天擔任新節目《我要做業主》主持，更在節目中自爆多得導演男友Kevin畀首期，置入屯門新樓成功上車。新屋入伙在即，二人就拍住拖為新屋添置電器，一齊供樓一齊慳住買一齊迎接人生新一頁，兩口子目標一致的幸福有錢都買唔到。

林秀怡視對方為結婚對象

林秀怡（Kirby）男友Kevin由助理編導捱到升職做導演，期間Kevin陪著林秀怡共度林母抗癌再從雪櫃重出生天。原來疫市之下，工作量大不如前，林秀怡還是選擇疫市出擊，與男友夾份買入樓價500萬的300呎屯門新樓。據悉自己份積蓄早於18年母親患病時耗盡，今次新樓一成約五十萬首期是來自男友，物業及持有人只寫上林秀怡一人。男友出首期、做埋擔保人、再送埋層樓到自己名下，難怪林秀怡感動之餘，亦直言早視對方為結婚對象，物業將會公一份婆一份一齊供，一年後收樓便會開始同居試婚。

東方新地男友梁啟政Kevin在無綫由低做起，由助理編導現升為導演，明年就滿30歲的林秀怡不諱言視對方為結婚對象，希望三十歲前成婚。 — 男友梁啟政Kevin在無綫由低做起，由助理編導現升為導演，明年就滿30歲的林秀怡不諱言視對方為結婚對象，希望三十歲前成婚。

東方新地被雪一年，同友人合資的餐廳又因疫情令生意大跌，林秀怡都咬住牙關下去，捱完一關又一關，近日才有新節目出街，林秀怡在《我要做業主》分享首次置業經歷。 — 被雪一年，同友人合資的餐廳又因疫情令生意大跌，林秀怡都咬住牙關下去，捱完一關又一關，近日才有新節目出街，林秀怡在《我要做業主》分享首次置業經歷。

東方新地林秀怡自爆上車單位由男友付首期購入屯門掃管笏三百呎單位，佢話：「我唔介意畀人話靠男友，真係有個人肯畀我靠有咩唔好？我有好男友我自豪！」係恨死隔籬至真。 — 林秀怡自爆上車單位由男友付首期購入屯門掃管笏三百呎單位，佢話：「我唔介意畀人話靠男友，真係有個人肯畀我靠有咩唔好？我有好男友我自豪！」係恨死隔籬至真。

東方新地入行十多年一直坎坷唔易過，林秀怡守得雲開榮升業主，同負責畀首期將來一齊供的男友齊齊行 APM睇定入伙電器。 — 入行十多年一直坎坷唔易過，林秀怡守得雲開榮升業主，同負責畀首期將來一齊供的男友齊齊行 APM睇定入伙電器。

東方新地小兩口乘搭升降機直達商場高層，十指緊扣行勻幾間電器舖專攻家電。 — 小兩口乘搭升降機直達商場高層，十指緊扣行勻幾間電器舖專攻家電。

東方新地指指點點有商有量一齊睇勻新屋必備的電視洗衣機和雪櫃，癡纏到攬埋一嚿。 — 指指點點有商有量一齊睇勻新屋必備的電視洗衣機和雪櫃，癡纏到攬埋一嚿。

拍拖多年仍如熱戀

雖則距離收樓日還有一段日子，不過搬新屋全屋傢俬電器要添置，睇啱款格得價嚟時間剛剛好，更是小兩口最佳過日辰拍拖節目。日前就見男友驅車、林秀怡坐副駕，一齊去到觀塘APM行電器舖。離開停車場，二人目標一致電梯直上高層家電專區，全程十指緊扣還整個倒在Kevin懷裡研究吓洗衣機性能、又打開個雪櫃睇吓容量；行完一轉有商有量格完價，對於心水家電價錢心目中大概有個譜，咁就放下心頭大石，又係黐實攬腰去睇商場水牌揀餐廳醫肚。拍足四年拖，感情竟然尚未降溫難捨難離猶如熱戀期，睇完家電醫埋肚，準備離開，臨開車時，二人互相對望再自動波湊個嘴仔埋來個深情一吻，呢種默契已經夠一生一世。