張松枝怒叱政府唔執法：呢個咩世界？ 兒子被咬傷被卻指證據不足未能起訴

撰文：海月丨圖片：Facebook

張松枝怒叱政府唔執法：呢個咩世界？

「紥鐵王」張松枝任職化妝師的太太，在數月前帶同10歲的兒子，跟另一對母子朋友一同前往長洲遊玩。可惜在入夜後孩子於碼頭前空地聊天時，一名女子拖著所養大狼狗經過，女子鬆開狗帶後狼狗突然衝到向張松枝兒子，並撲上前咬傷其手肘。意外發生後，雖然狗主立即將狗隻跟孩子分開，但該名狗主對意外並未作出任何補償，甚至連道歉也沒有，於是張太馬上報警處理。警察到達後，雖立即向狗主錄口供，而張松枝的兒子亦帶往驗傷，但事隔足足5個月，張松枝才收到漁農署的回信。信中表示「就一宗2019年2月發生的懷疑被動物襲擊事件，經本署檢控組詳細考慮後，發現證據不足，故未能提出起訴」。

張松枝對收到的回覆感到非常憤怒，在Facebook專頁發文直斥：
我真心對香港執法部門好L失望，你同我講證據不足，依家狗咬人呀！你要乜嘢證據呀？一個小朋友比隻大狼狗咬，依家個牙印重起到，呢啲係咪證據呀？明明係個狗主放狗咬人，你哋都唔執法，呢個咩世界？

對有關執法部門稱事件證據不足而不執法，再一次怒叱「淨係識坐喺冷氣房度諗！所以我對執法部門冇信心！」。及後更貼出該名女狗主的打格照片，怒叱「大家小心！放狗咬人！係個死八婆！地點長洲！」。

張松枝更透露，事發後有長洲居民向妻兒「贈興」：「入得長洲玩，預咗被狗咬」。直言事發前兒子跟對方狗隻完全無任何身體、甚至眼神接觸，但卻就無故被咬，該狗隻身型龐大，狗主絕對有責任時刻看顧好狗隻。網民除關心問侯兒子傷勢，更紛紛力撐張松枝：

．香港公義已經不再。
．政府只會服務有權既人。
．下次有命案，一定要求受害人作供，唔係又告唔到。
．張先生你太好人幫佢遮埋樣。