肉麻情侶喺餐廳大聲撒嬌女食客頂唔順一句KO

Jul 25 2018

情侶間肉麻撒嬌真係好正常，不過唔係人人想知，好似啲人無啦啦喺條街度高八度「BB」、「豬豬」咁叫，旁人聽到真係反晒白眼！最近有網民喺餐廳食飯嗰時，聽到隔離枱有對情侶大大聲撒嬌，搞到忍唔住要出口KO佢！

原文：環球膠報｜圖片：Facebook

最近台灣女網民喺餐廳食飯時，聽到隔離枱有對情侶大大聲撒嬌，女友不斷用疊字向男友撒嬌：「老公這個燙燙你幫我呼呼」、「老公我要吃肉肉」，搞到女網民都頂唔順。於是女網民特登等到有侍應行埋嚟就出招，大大聲咁同個侍應講：「先生，這個盤盤幫我收一下喔！還有那個杯杯還有我的牛奶喔！不可以給人家收走喔！」

即刻收晒聲

對情侶聽到之後，仲唔識做咩？即刻全程冇再講過嘢，拿拿臨食完走人好過。侍應其後多謝女網民一句KO呢對肉麻情侶，因為連佢都頂唔順，想佢哋快啲食完快啲走～

唔少網友大讚呢個女網民做得好：「這種說話方式真的噁心到一個極致」、「我會用疊字，但是我對4歲的兒子才會這樣講話」、「學人家，你壞壞，生氣氣」、「忽然好奇一件事情，萬一忽然手被夾道，會講疊字的『啊啊』，還是直接『啊』」下次遇到呢啲惡頂嘅情侶，真係可以試下呢個方法！

出街食飯搭枱好平常，好多時都會聽到陌生人講嘅嘢，講無聊嘢都算啦，如果佢係講啲好笑嘢，有時真係飯都噴出嚟！

人哋都FF吓啫，認真就⋯⋯

原諒譚仔阿姐啦，你講嘢都冇用譚仔語，佢哋點聽得明！

你女朋友好靚喎！

呢個就係佢溝到女，你溝唔到嘅原因囉！合埋眼，咩都一樣㗎啦！

肥仔黎都要嘔啦！

關鍵詞