遺傳靚樣 邱淑貞大女拍片唱〈Bang Bang Bang〉 最新娛聞 東方新地 Jul 29 2016 廣告 邱淑貞同沈嘉偉結婚多年，生咗3個女，分別叫沈月、沈日同沈晨。話咁快大女沈月今年8月就15歲，唔單只遺傳咗媽媽嘅大眼高鼻，就連星味都似到十足！日前沈月拍咗條短片放上Ig，片中沈月唱咗幾句Big Bang名曲〈Bang Bang Bang〉，雖然聲音明顯經過特別處理，但齋睇樣都夠晒quali做明星呀！ 閱讀全文 延伸閱讀： 着姊弟裝 梁浸浸啜爆小陳真 舊五虎走剩馬明 吳卓羲林峯黃宗澤激罕合體 片段只得短短4秒，但清楚見到沈月樣貌標緻，眼大鼻高面尖尖，甚有邱淑貞影子，側面睇仲有少少似Angelababy！ 近年邱淑貞經常帶埋沈月出活動，兩母女外貌同身形都好相似，感情亦非常好，一家人周圍旅行度假，恨死隔離呀！ 三個囡囡之中，沈月同邱淑貞最似樣，細細個已經睇得出有條件接媽咪棒入娛樂圈！不過無論做唔做明星，沈月有個富爸爸，又有個索媽媽，點都已經係人生贏家啦！ 全文完 關鍵詞沈嘉偉沈月邱淑貞
