猜枚可以賭幾大？ 何猷君贏表哥一架法拉利
廣告
十五二十呢種小學雞枚，相信大家一定有猜過，原來呢種唔只係平民窮L玩意！貴為賭王傳人何家公子何猷君，日前同表哥猜十五二十，輕易贏咗表哥，佢兩個唔係講玩，因為獎品竟然係閒閒哋幾百萬嘅法拉利一部！猜枚都幾百萬上落，有錢人嘅事，我哋真係識條鐵咩？
延伸閱讀：
12年恩怨一筆勾銷 楊怡請胡定欣飲喜酒
病住開工 杜如風日本街頭暈低
猷君日前上載咗段短片上網，片中佢同一名男子猜十五二十，贏咗之後對方交出車匙，然後猷君就揸車走！原來片中黑衣男係猷君表哥，佢唔信猷君每次猜枚都贏，所以提出賭一部法拉利，點知真係輸咗！之但係表哥都好霸氣，話自己輸咗一部都仲有15部，型到呢！
何猷君同表哥Lawrence感情非常好，經常約埋開賭局同夜蒲，猷君曾經參選過表哥個私人車房，入面真係有十幾部法拉利，勁過車展！連猷君都話表哥先係真正嘅高富帥！而定居上海嘅Lawrence，原來同余文樂都好老友㗎！
