感情更勝從前 伍詠薇 孖老公恩愛遊日
廣告
半年前藝人 伍詠薇 （伍姑娘）老公練海棠背妻偷食事件全城哄動，當時擾攘近一星期後，伍姑娘笑住大方回應，並指已經原諒老公，其大方得體態度獲網民激讚。二人事後，隨即去旅行修補關係。今日伍姑娘又在微博上晒恩愛，原來佢宜家同老公及哥哥身處日本札幌旅遊！同兩位至親一齊遊山玩水，難怪伍姑娘笑得咁開心啦！
延伸閱讀︰
無綫節目巡禮 全台索女鬥胸狠
古巨基設計場地 關心妍為愛女大搞百日宴
練海棠今年六月時背妻搭上34D長髮索女，令網民質疑二人感情。不過當時伍姑娘就回應話事情既然已經發生，一定要打老公200大板，但同時要檢討一下係咪自己忙於工作而忽略了身邊人。雖然係練生被爆偷食，但伍姑娘唔係只顧責怪老公，更不忘自我反省，絕對係一位模範太太！
所以現在無論伍姑娘幾忙，都一定以家人為先。就算最近忙住綵排舞台劇，都抽時間陪佢哋去旅行，順便放鬆一下！伍姑娘同老公及哥哥日前到日本札幌旅行，輕輕鬆鬆四圍睇吓風景、嘆吓美食，享受慢活人生。
現年47歲嘅伍姑娘皮膚保養得極好，素顏都一樣咁正，唔知係咪因為相由心生呢？祝福佢同老公以後恩恩愛愛！
