一家三口甜蜜慶生 回顧朱茵 黃貫中恩愛史
延伸閱讀︰
Do姐帶挈風生水起 農夫 愈住愈豪
身教慳家貼地生活 發哥 特訓繼承人
享受家庭樂
朱茵與阿Paul帶住囡囡去迪士尼樂園，原來係叉燒包四歲的生日慶祝活動！一家人除了企定定影全家福、玩旋轉木馬外，之後更與囡囡唱生日歌切蛋糕，睇佢哋笑容咁一致就知玩得好開心啦！叉燒包愈大愈可愛，好明顯遺傳晒爸爸媽媽的良好基因。
回到多年前，朱茵 中學時期原來係Beyond的歌迷，更特別鍾情於阿Paul。後來二人竟巧合地成為鄰居，當年阿Paul怕被朱茵發現自己暗戀佢，每次在門前或升降機內都無視佢，怕四目交投後自己的心思會被發現。相反，朱茵則主動製造機會希望跟阿Paul有進一步的發展。可惜，當年懵懂內斂的阿Paul未有把握時機，直到兩年後要搬家才鼓起勇氣約會女神。
雖然朱茵和阿Paul現時一家三口生活美滿，但其實兩人的戀情並不被看好，當年佢哋結婚時，更有雜誌以標題「朱茵十月嫁窮Paul」來諷刺阿Paul。不過朱茵認為，比起有錢人，勇敢有才華的男人更吸引。佢話︰「太有錢的人怎麼懂得照顧人呢？因為很多東西他們要得到太容易了，反而不懂得珍惜。」大家又同意嗎？
理所當然地，有好多人認為「女神值得更好」，但朱茵以「靈魂伴侶」來形容跟阿Paul的關係：「Paul是一個孝順又善良的大男人，而且非常體貼。」佢認為做女人不要因物質、金錢、名利去選擇另一半，最重要的是搵個用心愛你、價值觀相近的人。
2012年4月，朱茵突然上載一張與阿Paul的赤裸相擁黑白合照，公佈懷孕的消息。並留言說：「孩子，很想你知道，世界塌了我也愛你，這裏你最了不起。」不久，阿Paul便轉發女友的微博留言：「一直以來都認為『愛』只是我們兩個人的事，但從今我們再也不只兩個人了，我愛你。」
當時Paul接受記者訪問，直認朱茵有孕3個月，係意外懷孕，並將會按照原定計畫於年底結婚。
其後女兒於10月出世，為紀念女兒的到來，朱茵執筆推出新著作《6磅10安士》，寫下整個懷孕歷程。佢在書中寫到自己很喜歡小朋友，小時候已很想當母親，可惜因身體狀況不好，更自爆婦科醫生曾告知只有一成機會懷孕，要有小朋友係一件很難的事。奇蹟懷孕誕下女兒，對朱茵及黃貫中來說，都不是一件容易的事。
