新一輯《關西攻略》開始時，杜如風先跟已離世爸爸杜惠東說出段感言，因為拍攝節目時，杜惠東因病離世，杜如風多謝爸爸支持自己工作，又表示爸爸希望佢以正能量將快樂帶俾大家！所以杜如風今輯除介紹關西區包括大阪、京都、和歌山等新旅遊景點，更會繼續教大家如何揈錢尋開心！不過昨晚首集，佢帶大家平平哋去玩轉大阪，而且食住濕平都絕不失禮，睇完即刻想去走番轉！送上杜如風的世界級金句錄，一樣咁好笑。

平掃古着

一到大阪，杜如風即帶大家到岸和田當地服裝連鎖店Don Don Down on Wednesday濕平，該店出售衣服、鞋、配飾、手袋等多款古着，而店名「Wednesday」意思係逢周三大減價，最平低至100円(約HK$7)，而且100円貨種類繁多，就算係古着每件都保存得很好，款式亦好潮！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk

延伸閱讀：

拆解《殭》十大謎團

陳蕊蕊 一個甘為金剛擋子彈的人

掃限量版波鞋

呢間ABC-Mart波鞋連鎖鞋店，雖然喺日本周圍都有，但有唔少限量版喺度搵到，正如杜如風所講，嚟朝聖之前一定先到旺角波鞋街兜翻轉，咁就可以搵到心水限量版啦！另外，每間ABC-Mart分店會推出唔同特價貨，所以一定要行多幾間格價！

兩o舊水食全蟹宴

去大阪梗係要食蟹！不過唔識路真係被人斬一頸血，例如杜如風所提及嘅「蟹x樂」，而杜如風帶大家去呢間就真係勁抵食！3千円(約HK$210)就食足8道全蟹宴，而且食材新鮮，分量十足，咁嘅價錢，香港一定食唔到！

平住旅館

呢間位於大阪市西區HOSTEL 64 Osaka，行去心齋橋都只係10多分鐘，啱晒去血拼嘅朋友！旅館布置好有屋企feel，除了無線上網任用，更可以彈結他及提供按摩枱，濕平完行到腰痠背痛都可以梳乎一下！旅館最大賣點當然係平，港紙二百幾就可以宿一宵，跟朋友去想住豪啲可揀和室，亦只係七百幾，抵！

自由行熱點─道頓堀

道頓堀係大阪市著名商業區，設有商店街及唔少食店，夠你食、玩足一日！

全文完

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk

延伸閱讀：

拆解《殭》十大謎團

陳蕊蕊 一個甘為金剛擋子彈的人