《純熟意外》阿雪變邋遢妹 網民撐：女神唔屙屎？
廣告
阿雪變邋遢妹
《純熟意外》除了睇吳啟華同蔡思貝演出之外，當中女神孫慧雪更係亮點所在！阿雪劇中除演可愛女僕，更打破女神形象演不修邊幅嘅邋遢妹，其中一幕阿雪因為肚痛，整污糟蔡思貝屋企廁所！雖然如此，但阿雪仍獲唔少網民力撐，反問女神唔屙屎？連阿雪亦表示：「我平時都係咁㗎！你呢？」係咯，女神都係人，梗係要屙屎啦！
演大懶蟲入型入格
殷然(蔡思貝)返家後，發覺家中擺設好像有點不同，初時覺奇怪，原來好友言愛(孫慧雪)突然現身，而言愛敷mask白晒晒樣嚇親殷然！言愛除了邋遢唔洗衫，搞到冇衫着要穿然嘅衣服，又表示食晒然家中過期食物，之後又不願幫對方拿衣服去洗衣店洗，成個大懶蟲咁！
延伸閱讀：
《人在邊緣》羅慧娟氣質樣貌完勝現今花旦
性感港姐始祖 李珊珊噴血圖集
另一幕言愛懶洋洋坐喺然屋企梳化上，表示因為肚痛，於對方屋企廁所開大時，唔小心整污糟廁所，仲搞到臭氣熏天，鏡頭再close up言愛個樣，嘩，一頭亂髮襯個娘爆花花髮夾，阿雪呢次真係完全顛覆女神形象，絕對係破格演出！
